Saturday, December 29, 2007

الي اللقاء

مقدرتش أسيب المدونه قبل ماأسلم علي إخواني وأخواتي المدونين
طبعا هتلاقوا الخط غريب ومفيش صور لأني داخله النت من الموبايل
ماعنديش وقت أنزل سيبر
طبعا السبب معروف
الامتحانات خلاص علي الباب وأختكم في الله حالتها صعبه ارجوكم ادعولي انا عارفه اني قصرت و ماذاكرتش كويس بس ربنا كريم و باذن الله أقدر في الايام دي أخلص اللي ورايا
ارجو الدعاء بجد محتاجاله قوي
اول حاجه هعملها باذن الله بعد ماأخلص اني هزور كل المدونات لانها بجد اهتوحشني جدا
سلام بقي ماتنسوش الدعاء

Monday, December 3, 2007

ايها الذاهبون الى انابوليس ......لا تنسوا صلاة الجنازة

تحديث

الصور الجامده دي بتاعة الوقفه الاحتجاجيه اللي عملها اخواتكم طلاب المجمع الطبي النهارده للاعتراض علي زيادة المصروفات والتدخل الامني والتفتيش علي الابواب
طبعا انا كنت نزلت البوست امبارح والوقفه كانت النهارده فعملت التحديث ده
بجد الاخوه كانوا رجال بجد ماشاء الله عليهم لما لقوا كتاكيت الامن بيصورونا راحولهم وفي وشهم كده من قريب جدا وصوروهم فطبعا طلعت الفئران تجري وتستخبي في مبني الاكاديمي
صور كتاكيت الامن هي صور الاشخاص اللي وراء العربيه الستروين اللبني كنت بصورهم من بعيد فطلع جزء من العربيه
بجد منظرهم وهم بيستخبوا من الكاميرا كان يموت من الضحك
ربنا يقدرنا ويكون اللي عملناه أثر ووصل للناس









































































































ادخلوا علي البوست بقي










في مقلب القمامه ,
رأيت جثة لها ملامح الأعراب ،
تجمعت من حولها النسور والذباب ،
وفوقها علامة ،
تقول هذي جثة

كانت تسمي سابقا كرامه


من ابداعات أحمد مطر











































































































Friday, November 23, 2007

عندما تزدحم الافكار .......يظهر التاج


كانت هناك أشياء كثيره مهمه أريد الحديث عنها



ولكني وجدت دوامه من الافكار تعصف برأسي لدرجة أني فقدت التركيز الذي يؤهلني لكتابة شئ واحد



فقررت الرد علي التاجين اللذان كانا قد اهداهما الي عبد الرحمن عياش و بنات أفكاري






التاج الاول من بنات أفكاري






قالوا لك تختار عصر من عصور مصر عشان تعيش فيها تختار أي عصر وفي عهد أي حاكم؟اشمعني؟



العصر اللي العز بن عبد السلام جاء الي مصر بصراحه مش فاكره مين الحاكم اللي كان موجود بس الشيخ بن عبد السلام علمه الادب فيمكن عشان مش لاقيه حد وقف لحاكم مصري زي الشيخ بن عبد السلام فكان نفسي أشوف المعجزه دي









أول أولويه في حياتك عيلتك ولا شغلك ولا أصحابك؟



لكل مقام مقال ماينفعش أضيع حق أي حاجه علي حساب الاخري।



أهم أولويه عندي هي اني اعمل حاجه عظيمه للاسلام يعني ممكن ده يعتبر من الشغل






أكثر حاجه بتحبها في رمضان


ليل رمضان الفرحه في الشوارع وقت السحور


ان في حاجه أنا ببقي حاساها وعايشه فيها وواثقه أن كل الناس زيي





أوصف أجمل افطار ممكن تفطره


حسب الحاجه اللي نفسي اكلها وقتها


لو أنت حاكم علي مجموعه من الافراد هتكون حاكم عادل ؟طب هتتأكد ازاي انك عادل؟


أعوذ بالله أنا مستحيل أطلب الحكم أو أسعي اليه أو أسمح لحد انه يدبسني فيه


ل
ايه ترتيبات لفرح ممكن تحضره؟


حسب حالتي النفسيه والمزاجيه ساعات ببقي عايزه فرح هادئ وساعات ببقي عايزه فرح صاخب


بس بتمني احضر فرح اسلامي لاني عمري ما حضرت فرح اسلامي قبل كده


بتراعي كلام الناس والقيل والقال؟ولو اه أو لأ تقول ليه؟


أنا مش بكره حاجه في حياتي الا الموضوع ده أنا حره وبجد الناس تولع يقولوا اللي هم عايزينه مادام مش بعمل حاجه غلط اللي هيهتم بكلام الناس مش هيعيش حياته اللي عايز يقول عليا حاجه يقول بجد ولا في دماغي اصلا


صحيت من النوم ملقتش الموبايل ولا الكاميرا الديجيتال ولا الكمبيوتر ورجعنا لعصر الحمام الزاجل والحصنه هتكون سعيد؟


ياريييييييييييييييييييييييت أنا بعشق العصور دي انا دايما بحب أقرأ حاجات عن الحياه العربيه القديمه منتهي الرومانسيه الحياه مع الطبيعه وسط الصحراء والتنقل بالخيل اللي أنا بعشقه بجد أهيم حبا بالكائن الجميل ده حتي الرجال بيبقي شكلهم رجولي أكثر وهم راكبين الخيل بجد الحياه دي رائعه مليانه خيال وشعر و رومانسيه


حتي الحروب كانت البطولات زمان فيها بتظهر أكثر لما كانت بالخيول وكان بيبقي فيه مبارزه ققبل المعركه بجد شجاعه وبطوله من الجانبين حياه رائعه


السعاده هي؟


حد يقوللي لأن أنا نسيت الاحساس ده من زمن أنا مش عارفه أبقي سعيده أنا عندي أحلام وللأسف مش عارفه أحققها فده مخليني فاقده الاحساس بالسعاده بس الي حدما أجمل حاجه في الدنيا دي الجهاد في سبيل الله بكل الطرق خدمة الاسلام دي هي الحاجه الوحيده اللي بتسعدني بجد وفي نفس الوقت بتبقي أكثر أسباب تعاستي لأني مش عارفه أوصل للي أنا عايزاه أدعوا لي


عندك أمل ايه أسبابه؟


مش عارفه ولو هيبقي عندي يبقي السبب الثقه في الله طبعا وأني لو احتجت حاجه هقوم أصلي ولا أدعي أو أقرأ قران فأحس ان ربنا جنبي فأحس بأمل


لما بتحب تهرب من كل شئ بتروح فين؟


كلما اذداد الواقع قسوه اذددت أنا هروبا في خيالي وأحلامي حتي أصبحت في أحيان كثيره منفصله عن كل حاجه الا تفكيري في ديني


امتي أول مره اخدت فيها نفس طويل وقلت ياااااااااااه أنا كبرت؟


شكلي كبير وعقلي في مواقف كتيره كبير وناضج ولكن روحي بالفعل صغيره ودايما بحس أني مازلت طفله يعني مثلا مش عايزه أتعلم طبخ عشان شايفه نفسي صغيره ولسه بدري علي حاجه زي دي ده فضلا عن كراهيتي للمطبخ وفي أوقات كتيره ماما بتقولي فيها أنا مش مصدقه أنك عندك 20سنه ولما بفكر اني عايزه أتجوز بيبقي بسبب الرومانسيه اللي أنا فيها وأني بالفعل مؤمنه بفكرة اني أقابل فتي أحلامي اللي باذن الله مش هتنازل عنه لأقبل بأي حد لمجرد ان ممكن حد يشوف اني كبرت


بتشرب سجاير؟وايه شعورك لما تشوف ست أو راجل بيشرب سجاير؟ليه؟


ولا بطيق ريحتها مع ان كان في أوقات بتعدي عليا كان نفسي أجربها وفي مره واحده أيام الجاهليه بتاعتي جربت وشربت شيشه عشان كنت هموت وأجرب وفضلت أكح وكانت حالتي زفت بس الحمدلله ربنا هداني بعدها عشان كده بدعي لأي حد بالهدايه لما بشوفه بيشرب سجاير


بتعرف ايدك اليمين من الشمال ازاي؟


!!!!!!!!!!!!!!!!!!!!!!!!


ايه اكتر اله موسيقيه بتحبها؟



م كمان , عود و 
الذوق والنخوه انعدموا؟


ساعات بحس بان الذوق اتعدم وساعات لأ بس بجد اللي بحس انه اتعدم الغيره والرجوله والنخوه بجد انا مش عارفه ايه اللي حصل


ايه الحاجه اللي لو حصلت هتبقي سعيد قوي؟


أحقق حلمي بجد هطير من الفرحه


وأني أقابل فتي أحلامي بطريقه رومانسيه وخياليه ومش متوقعه


تحب يبقي عندك أرض زراعيه ولا أجنس عربيات ولا كام عماره ولا فلوس في البنك؟


الفلوس عشان أسافر بره ده من أكثر الحاجات اللي بحلم بيها
اجنس العربيات عشان بعشق العربيات وبالذات لو سبور تبقي قشطه



البحر ولا النيل؟


البحر طبعا مفيش حاجه رومانسيه ومتوحشه في نفس الوقت قد البحر انا النيل هائ ورتيب


مركب ولا طياره؟


طبعا مركب مع اني بخاف من البحر بس بحبه


مجنون ولا عاقل؟


مجنون ساعات بيبقي فيه جنون حلو


تقرأ كتاب ولا تتفرج علي فيلم؟


بعشق القراءه بس فيه بعض الافلام تحفه مثلا زي أساطير الخريف بموت في الفيلم ده


تمرر التاج لمين؟


مروه حلم الحريه,شيماء شقاوة شعب,حزين, انكسارات, اليعقوبي, عصفور المدينه, دعوة الفردوس, أبوزياد الفاتح, أسماء ياسر, أسماء همسة قلم ,بنات أفكاري ,طال الليل, مهند ,أبو مفراح , طارق قاسم , الجيزاوي , محمود شوية أفكار , محمد عبد الجليل


كل أصحابي اللي بيزوروا المدونه عشان كده أنا نسيت ناس أنا أسفه





تاج عبد الرحمن مش لاقياه عنده لأنه كان قبل رمضان كنت هموت وأرد عليه يبقي ليا تاج تاني عندك يا عبد الرحمن





Monday, November 12, 2007

لقد قتلوا الحلم فيهم



















تري فيم كان يفكر وهو يمشي متثاقلا خارجا من بيته المتواضع في تلك القريه المنسيه التي يزخر بامثالها ريفنا الحبيب من شمال مصر الي جنوبها


تري أكان يفكر في امه العجوز وابيه الشيخ الذي يضطر الي تركهما في كبرهما بعد أن ساءت الظروف ولم يعد هناك ما يستطيع ان يقيم بهما اودهما هما واخوته فضلا عن التفكير في ان يصبح له بيت وزوجه واطفال كما يتمني


لا أعرف بالضبط فيما كان يفكر ولكنك تستطيع ان تري نفس النظره الساهمه والوجه الحزين علي وجه جاره الذي خرج هو الاخر لينطلقا معا الي مجهول لا يعرفان عنه شئ وقد ترك هو الاخر زوجه واطفال ليس لهم الا الله




بالفعل لا أعرف بالضبط فيما كانا يفكران ولكن من السهل ان تتوقع ما كان فيه هذين من خوف ورعب وترقب لمجهول يتوقعان للاسف دائما انه ليس سعيد



من الغريب ان نفس النظره ونفس الكابه ارتسمت علي وجوه مائه واربعه وثمانين اخرين من شباب ورجال مصر من قريتي شدوه وكفر العرب بنفس الظروف خرجوا لنفس الهدف تاركين ورائهم أهليهم وقد أخذوا معهم كل ما يملكونه من مال في سبيل رحله يتوهون فيها وراء سراب تحقيق ما قد يئسوا منه في بلدهم




أنا أعتقد أنهم كانوا يعرفون أن احتمال ضياعهم في ظلمات البحر وارده وبقوه وهم يسمعون عن أنباء أبناء الدول الافريقيه المتنازعه الذين يغرقون كل يوم في بحر لا يرحم في سبيل وهم لا يتحقق




ومع ذلك انطلقوا




لقد قتل هؤلاء مليون مره قبل ان يلتهمهم البحر بل ان البحر كان أرحم بهم فهو عندما قتلهم لم يعذبهم ورزقهم باذن الله شهاده تعوضهم عما حدث لهم أما في بلدنا الجميله فكانوا يقتلون في اليوم الاف المرات



فتحولوا



لجثث تمشي, جثث فقدت الحلم وضاع منهم الامل حيث وجدوه مصلوبا علي يافطات الحزب الوطني واستمر يا مبارك نحن معك



لقد فقدوا كل شئ ومع ذلك لم يثوروا وفضلوا رحله للمجهول بلا هدف وبلا يقين في النجاه علي أن يأخذوا حقهم في بلادهم ويستردوا بلادهم من الحزب الوثني المغتصب


لماذا فضلوا الهروب ماداموا هم في كل الاحوال لم يعد لديهم ما يخسرونه؟ عجزت عن الحصول علي اجابه ولكن للاسف هذا ما يراهن عليه مغتصب البلاد أن أهلها سيفضلون الهروب عن المواجهه


وماذا جنوه من شيوخ السلطه غير أنهم اعتبروهم ليسوا بشهداء علي أساس أنهم طامعين تركوا الجنان والخيروالملك والسلطه وفضلوا أن يكونوا عشاء دسم للأسماك

وماذا جنوه غير القبض علي صاحب وكالة السفريات الذي سفرهم وتركوا المجرم الاكبر الذي أوصلهم لما هم فيه


حسبي الله ونعم الوكيل


بل هم شهداء غصبا عن من أسمي نفسه رئيس ولا أطيق ان أذكر اسمه


وغصبا عن زبانية الفساد حوله



وغصبا عن شيوخ باعوا دينهم بدنياهم فأتمني لهم لهب جهنم


وعلي الصعيد الاخر



قد أقام تامر العبد خريج ادارة اعمال فندق خاص للكلاب الفاخره في المنصوريه فيه حمامات سباحه وحدائق للترفيه عن الكلاب حتي لا يصابوا بالاكتئاب والليله بخمس وأربعون جنيها فقط الخبر في ملحق النهارده اجازه بأخبار اليوم ليوم السبت الماضي


بسرعه عشان الفندق كومبليت



بالاضافه الي انه في فرصه ذهبيه للراغبات في التألق علي شواطئ مارينا هناك مايوهات بكيني تباع بأرقي مولات القاهره المايوه الواحد بخمس عشرة ألف جنيه الرقم صحيح والخبر كان في الاهرام يا بلاااااااااااااااااش



بالله عليكم لا يمكن أن نظل صامتين في ظل هذه الماساه يجب ان نفعل لهم شئ ونحاول جمع تبرعات لأهليهم الذين فقدوا العائل والاموال وكل شئ






لقد عرضت الامر علي البعض فقالوا لي أن هناك من هم أولي منهم ولست أعرف أحد أولي من الذين في هذه الظروف






بالله عليكم هذه نكبه وطنيه أن يغرق أخواتنا في غياهب البحر ثم لا نساعد أهليه






أرجوكم نريد أن نساعدهم ونقف بجانبهم فلنطلق حمله لجمع التبرعات لهم أو أي شئ ترونه مناسبا المهم ألا نقف صامتين نري المشاهد الجنائزيه بعينين خرساوتين وقلب لا يشعر












لا أعرف ماذا أقول فقد ضاق الصدر وعجز اللسان ولم ينطلق القلم وأسكتت أصوات الحق وأصبح ضجيج الظلم فوق كل احتمال






Tuesday, October 30, 2007

يا لرقة الخريف ......... ويا لقسوته


هي المره الاولي التي اتحدث فيها عن شئ شخصي يمس احساسي

لم احترف يوما الحديث عن نفسي ولم استطع في اي مرحله من حياتي ان اصف ما أشعر به لأحد بشكل يصل اليه كاملا

كل ما أفعله هو أن أتحدث دون أن يفهم محدثي كل ما أريد قوله......

فاحترفت الصمت

و اذا كانت هناك مشكله ويجب ان أتحدث فيها فأني أتكلم ولكن كلاما كثيرا ولكن شعوري يلف حول ما أشعر به ولكنه لايصيب الهدف نفسه لعدم قدره مني علي التصويب


ولكن بالامس كنت أكلم مروه(مدونة حلم الحريه) وسألتني علي المذاكره فقلت لها للاسف لا أذاكر جيدا فسألتني لماذا


فأجبت اجابه غريبه واعترف ان مروه بارعه في عدم اظهار دهشتها مهما كان ما يقوله محدثها من غرابات


ولكنها لن تجد من في غرابتي


لقد كان ردي هو أن فصل الخريف يؤثر في

وأشكر لمروه تفهمها لي ولكن لم أستطع أن أقول كل ما أريده بشكل يقنعها تماما في قرارة نفسها


و كعادتي سانطلق في التفسير علي غير هدي ولا اعرف ان كان ما أقوله ستشعرون به ام لا ولكن هذه أنا

مشاعري متناقضه ولا أعرف أيها صحيح

كم أحب هذا الفصل و كم أخشاه في نفس الوقت

كم أتمني مجيئه وكم أرهبه بذات الكيفيه

لشدة ما يؤثر في احساسي ومشاعري بشكل لا يتوقعه أحد

ولكن لماذا

ألأن كل لمحه في هذا التوقيت تجعلني في حال غريب عن بقية أوقات السنه

أ يكون سكون الخريف الجميل بعد صخب الصيف هو السبب

أهي رزانته بعد ابتذال فصل لايعرف الهدوء

أهي بداية الفراق ورحيل كل من قدموا في الصيف

لا تعتقدوا اني أحب الصيف فأنا أمقته ولا أطيقه ولكن كل الغائبين يعودون فيه

وأحب الخريف وأعشقه ولكن كل الاحبه يرحلون فيه

قد يكون هذا سببا ولكن كيف وأنا أحب الوحده وأرحب بها


لا أعرف ان كانت هي الوان الدنيا الهادئه التي اراها فيه وتعوضني عن دوامة الالوان الهائجه في الصيف

أم السماء المبلله بالمطر ولكنها لاتمطر وأنا دائما تؤثر في العين المبلله بالدموع عن تساقط الدموع نفسها

أم البحر الهادئ الذي يبدو كصفحه رماديه وبالتأكيد يختلف عن امتلائه بلحم البشر في الصيف الذي يقرفني و عن تصارع الامواج فيه شتاءا التي ترعبني

أم لعلها نفسي التي أجدها بعد ضياعها في زحام الصيف وعندما أعود اليها يصدمني ما حل بها

وتصدمني أكثر الدنيا التي أشعر فيها دائما بأني واقفه تائهه لا أعرف مكاني ولا طريقي والناس تتحرك كلها حولي


أم هو الخوف من غضب شتاء لا يرحم بعواصفه ورياحه وهياج أمواجه


حقا لا أعرف


كل ما أعرفه أني أتوق لشئ لا أدريه يريح روحي الحائره القلقه التي فقدت بوصلة الطريق


أريد أن أفعل شئ لا أدري ما هو

أريد أن أستريح من التفكير. حقا أشعر أن مخي يكاد ينفجر من كثرة ما يصطرع بداخله


أريد أن أعرف الطريق الحقيقي لجهادي والذي أراه الي الان غامض وما أفعله لايكفيني وأشعر دائما بالتقصي

ر

لا أعرف ماذا أقول لكم


أشعر أن الحقيقه سأجدها في مكان بعيد لا يوجد فيه هذا الزحام


لا يوجد فيه صيف صاخب مبتذل فلا أعاني من تكبد شوقي وخوفي من لقاء الخريف


مكان فوق كل سخافات الدنيا المليئه بالضجيج بلا فائده


متي أجده

أين أجده

هذا بالفعل سيكون أسطوره من أساطير خريفي

Sunday, October 21, 2007

يوم من حياتي









الصور من مدونة يلا نفضحهم انا كنت استئذنت اخ جامعه ان اخذ الصور منه لكنه لم يرد لن استطيع اخذها الا بعد ان يسمح لي لان الصور اللي صورتها حصلتلها مذبحه هتكلم علي اللي حصل في اخر البوست

في البدايه اعتذر عن تاخري في التدوين او التعليق اليومين اللي فاتوا لاني كنت مشغوله جدا وزي ماأنتم عارفين أنا بكتب من سيبر











ندخل بقي في الموضوع وبلاش تضييع وقت


اللي هكتبه النهارده هو محاوله متواضعه مني لتغطية أحداث المؤتمر اللي كان في الاسكندريه يوم الخميس واللي أنا كنت اعلنت عنه في المدونه



طبعا أنا لسه جديده في العمل الصحفي وماعرفش ازاي تبقي التغطيه الشامله لمؤتمر بالاضافه اليان كلية الطب زي ماأنتم عارفين لاتسمح بأي شئ اخر فاللي قدرت عليه عملته وياريت تغفرورلي أي تقصير




للاسف اني لم اشارك في الاعداد الكامل للمؤتمر ودي حاجه كانت مضايقاني جدا وكنت حاسه اني ماليش لازمه ومقصره جداوماعنديش حاسة ابتكار بس باذن الله هحاول بعد كده أنه يكون لي دور فعال أكثر



المؤتمر بدأ بعد صلاة المغرب وكنت أنا ومروه مدونة حلم الحريه وشيماء مدونة شقاوة شعب وجهاد مدونة احنا المدونات البنات الاخوانيات المشاركات في المؤتمر من الاسكندريه كان فيه ساره البنداري بس مش عارفه هي اسكندرانيه ولا لأ



كان فيه مدونين شباب كتيييييير من اسكندريه وبره اسكندريه مش هقول حد معين عشان مش عايزه أنسي حد ل،ي للأسف مش فاكراهم كلهم


كان بيشارك في التقديم محمد عبد الجليل مدونة وشرفك يابلدي سحابه وهتعدي



بدأ المؤتمر وصعد الشاعر عبد الرحمن يوسف القرضاوي ليلقي أبيات شعريه في منتهي الروعه بجد مؤثره جدا جذبت انتباه كل الحاضرين


وأنا في خضم كل هذا رأيت الامام أبو عمر المصري


طبعا المفروض انكم عارفينه طبعا أنا لما شفته كنت هعمل فرح بجد ماكنتش مصدقه اني أشوفه خالص يعني أنا كان اخري أشوفه في التليفزيون انما اشوفه رأي العين ده كان بالنسبه لي مفاجأه رائعه ومابقتش عارفه أمسك نفسي وصممت اني اروح اعمل معاه لقاء وكنت مكسوفه جدا ومش عارفه أروحله ازاي بصراحه كنت خايفه انه يصدني أو يفتكرني قليلة الادب عشان هروح علي الكرسي اللي جنبه وأكلمه طبعا ده نوع من العبط لأن الرجل من النوع الذي يحترم الصحفيين والصحفيات علي السواء بس انتم عارفين أول مره بقي ومش متعوده


فضلت واقفه سنتين واخذ رأي كل اللي أشوفهم وكان ناقص اني أعمل مؤتمر للتباحث في كيفية الذهاب اليه فكانت فيه بنت اسمها ندي رضيت انها تيجي معايا بس مجرد تبقي جنبي لحد ماأتجرأ وأتكلم



المهم ذهبت اليه وبصراحه كان قمه في التهذيب والمرونه وعندما قلت له اني أريد أن أعمل لقاء معه قالي اتفضلي طبعا سألني صفتي الاعلاميه ايه فقلتله اني مدونه


بدأ اللقاء بأني اعتذرت له علي ازعاجي له ولكنه قالي لا يوجد ازعاج وان أتكلم فلا يوجد مشكله


سألته عن القضيه بتاعته وايه هو الاتهام الموجه له


رد:بانه لا يوجد اتهام أصلا كل ما في الامر أنه كان يمتلك مجله اسلاميه وكان يدير مركز اعلامي ومدونه ارائهم لاتعجب الامريكان وده كان السبب في كل اللي حصله


سألته: اذا كان هناك اي تغيير في مواقفه المناهضه لأمريكا


فرد: بالنفي طبعا وانه مازال ثابتا علي مواقفه ولن يغيرها مهما حدث له


سألته: عن القضيه التي يرفعها علي الحكومه الايطاليه


فرد: بانه يرفع قضيه ضد جهاز المخابرات الايطالي لانه قام بتسليمه لكلاب الامريكان و كلاب الحكومه المصريه يعذبوه (علي فكره هو ماقالش كلاب الكلمه دي من عندي) وان القضيه هتبقي يوم 24اكتوبر في ميلانو


سألته: عن موقف الحكومه المصريه عما حدث


فرد: انه لا يوجد تعليق حيث ان المفروض ان تتم محاكمة بعض القيادات المصريه التي قامت بتعذيبه


سألته: ان كان يمكن رفع قضيه علي الحكومه المصريه

رد: انه لا يستطيع رفعها من مصر لأنهم لن يتركوه يرفعها


فرددت عليه ان يقوم برفعها ونحن جميعا معه فلم يعلق


طلبت منه ان أقوم بتصويره فوافق ولكن الصور اللي أنا صورتها حدثت لها ماساه هقولكم عليها اخر البوست


وما أن انتهيت معه وأنا في قمة السعاده بغنيمتي حتي رأيت حبيبة قلبي طنط جيهان الحلفاوي زوجة عمو ابراهيم الزعفراني رئيس لجنة الدفاع عن سجناء الرأي


طبعا أنا أول ما شفت طنط جيهان طلعت أجري عليها علي طول كنت نفسي أتكلم معاها من زمان كنت قبل كده شفتها مره في المعتكف ومالحقتش أكلمها المره دي صممت اني أكلمها


أنا مش هقول الحوار كله لأن باذن الله هخليله تدوينه لوحدها وبالذات ان أنا مش كملته معاها ولما أكمله هكتبه كله باذن الله


انما أنا هكتب عن رأيي فيها بجد سيده اكثر من رائعه فيها كمية حنان كأنها أمي تفهمتني وأنا بتكلم معاها سمعتني للاخر وكانت حنونه قوي أعطتني نصائح كتيييييير واعطتني رقم تليفونها عشان لو احتجت أني أكلمها

ربنا يحفظها ويكرمها


اثناء جلوسي معها قام دكتور ابراهيم ليقول كلمته عن المؤتمر فتكلم عن أهداف التجمع وأهداف المدونه والميثاق الذي سنعمل به في لجنة الدفاع عن سجناء الرأي وحقوقهم كانت كلمته حماسيه جدا لنا ومشجعه وقام بشكر المدونيين الذين حضروا اللقاء وطلب منهم جدية العمل لفضح النظام وما يفعله من ممارسات التعذيب


صعد الشاعر محمد جوده لالقاء شعره الشعر كان رائع ومؤثر جدا والشاعر كان متأثرجدا حتي كاد أن يبكي ويبكينا معه باذن الله الاوضاع هتتغير من المستحيل انها تفضل بالسوء ده


علي فكره انا مش بقول الاحداث بالترتيب


بعد ذلك كانت فقره لصعود كل من تعرضوا للأذي والظلم في أقسام الشرطه أو علي يد رجال أمن الدوله


فصعد رجل اسمه أحمد اسماعيل محمد اسماعيل محمد

قضيته انه تجرأ ورفض طلب لواحد من افراد الشرطه المتسلطين بأن يعطيه شقه في العماره التي يمتلكها فكان هذا كافيا لما حدث للرجل بعد ذلك من ظلم واهانه وسجن بلا تهمه اسم هذا الضابط عمرو البنداري رئيس مباحث الدخيله هذا الضابط الكبير يتهمه عم أحمد بانه قام بتزوير محاضر له ولفق له تهم أدت الي سجنه مرتين الاولي في (2001)وخرج في (2003)ليواجه السجن مره اخري لمدة ستة أشهر في تهم مخالفات مباني مزوره وكل هذا لانه لم يقبل التنازل عن المحضر وجدير بالذكر ان وكيل النيابه الذي يقوم بالتحقيق هو صديق للضابط وبالطبع المذكرات والعرائض المرفوعه يتم تزويرها طبعا أصحاب وبيجاملوا بعض


التفاصيل الكامله بارقام المحاضر قد أخذتها منه وبعد ذلك مع استمرار سير القضيه سوف أقوم بنشرها حيث اني قمت بعمل لقاء خاص مع الرجل بعد نزوله من المنصه وحصلت منه علي كافة التفاصيل

الحاله الثانيه قمه في الماساويه

حيث انها لسيده اسمها وفاء محمد ابراهيم وهي زوجة سعيد سلامه صاحب مكتبات زمزم بالاسكندريه ومنذ ثلاث سنوات اختفي زوجها فلا تعرف اين هو ذهبت لكل الاقسام والمديريات الذين قاموا بالبحث ومع ذلك لاتجده

بعد ان نزلت السيده الفاضله ذهبت اليها لاقيم معها حوار وكان معها ابنتها ساره فسألتهم عن كيفية الاختفاء ومااذا كان له أعداء من أي نوع سياسيين او تجاريين فنفت السيده وجود أي نوع من العداءات بين زوجها وأي شخص اخر فطلبت منها ان اقوم بتصويرها هي وابنتها فاعتذرت ولكنها سمحت لي بتصوير صوره لزوجها الغائب

اللهم ارجعه لها بالسلامه حيث ان له ست بنات ربنا يعينها علي تربيتهم


أثناء حديثي مع عم أحمد كان يجلس بجانبه رجل اسمه جلال عطيه وهو مخترع مصري كانت ماساته قد نشرت في المصري اليوم من قبل حيث انه اخترع ثلاجه مصرية المعدات بالاضافه الي سياره تسير بالكهرباء لن تلوث البيئه بالاضافه الي انها ستمنع استخدام البترول ف وسائل المواصلات وطبعا كالعاده لم يجد الا الاهمال والتجاهل لاختراعاته بطريقه دفعته الي كراهية البلد باللي فيها وجدير بالذكر ان السفير الاسرائيلي كان قد اتصل به وعرض عليه الجنسيه الاسرائيليه في مقابل ان يذهب اليهم ويعطيهم الاختراع الا انه رفض وتمسك ببلده
ويبدو انه كان نادما علي الرفض لانه كان بيشتم في مصر ويمجد في اسرائيل وامريكا بطريقه محزنه ومبكيه

لقد قرأت عند محمد عبد الجليل بوست جميل يتساءل هل نجحوا في ان يجعلونا نكره بلدنا ويبدو ان هذا ما حدث عند قطاع كبير من الناس

حسبنا الله ونعم الوكيل


وصعد صاحب مدونة منفي ليلقي كلمته وهو ممثل لمدونات الدلتا


وصعد ايضا مجدي سعد من تجمع مهندسون ضد الحراسه عن رفض نقابة المهندسين لاي شكل من اشكال الخضوع



وصعد احد اعضاء معلمون بلا نقابه وتحدث عن تجربتهم الرائعه في تحدي الحكومه والمطالبه بحقوق المعلمين


وتكلم خلف بيومي من مهندسون ضد التعذيب ليعلن تضامه مع الحمله ورفضه لكافة أشكال التعذيب


وتكلم أحمد جابر عبد الله من الاتحاد العمال الحر وتحدث عن التجربه الثوريه لعمال المحله وكيف انهم استطاعوا املاء شروطهم وتحقيق مطالبهم ويأمل بأن يتم تعميم التجربه في كل مكان

وحضر ممثلين من حزب الوفد وحزب الغد وقام بتغطية المؤتمر برنامج القاهره اليوم
تكلم أحمد سعد دوما مدونة شاعر اخوان وتحدث بمنتهي الحماس وقال مقاطع شعريه رائعه كان فيه جزء اخير فيها رائع للاسف نسيته بس باذن الله ناويه أسأله عليه



ومن الذين تعرضوا للاعتقال تكلم عبد الرحمن فارس مدون وتكلم عن تجربته وانه اعتقل لنه قام بحمله في مدونته اسمها هنراقبهم زي مابيراقبونا



ايضا أحمد أبو المجد تعرض للاعتقال وبجد الكلام اللي هو قاله يدرس كمثال للصمود والمقاومه هبقي اتكلم عليه بعد ذلك لان البوست كده طويل قوي


وتكلم محمود امام اخو مصطفي ومحمد امام اللي تم القبض عليهم في الصيف مع زميل ثالث لهم وبجد كان في منتهي الصمود وقال كلام رائع قوي كان أفضله


هم بيقبضوا عليهم ليه عشان بيصلوا وبيروحوا الجامع هم سايبين الصيع اللي في الشوارع وجايين يقبضوا علي الناس المحترمه


بجد كان أكبر من سنه وواثق من الكلام اللي بيقوله وطلبت اني اعمل لقاء معاه فاشترطوا عدم الحديث علي اللي حدث لاخواته ونتحدث في أي شئ اخر لا يمس هذا الموضوع


وكانت شيماء مدونة شقاوة شعب قد صعدت لتقول كلمه نيابة عنا وكانت كلمتها جميله قوي


وقد صعد استاذي صبحي صالح ليشرفنا بان يقول كلمته


وبعدها صعد الاستاذ المحمدي ليقول كلمته لتشجيع القائمين علي اللجنه


الي حدما هو ده اللي قدرت عليه في تغطيتي للموضوع وللاسف الشديد الصور اللي كنت مصوراها كانت علي الموبايل اللي للاسف اخي الصغير بيعتبر ان أي حاجه عليه من ممتلكاته وطبعا هو مش راضي عن الصور وبيعتبرها أقصر الطرق للمعتقل فنزلها علي الكمبيوتر من غير مايستئذن مني لأفاجأ أنا بهذه المصيبه النهارده الصبح قبل ماينزل يروح الكليه وطبعا أنا لا بعرف أنزل ولا أطلع حاجه علي الكمبيوتر ولا الموبايل فطبعا اتنرفزت وخاصة انه قاللي أنا مش مسئول عنهم طبعا لميت الدور لأن لو أهلي عرفوا الصور بخصوص ايه فعلا هيبقي اخر يوم في التدوين وممكن في الحياه أهلي ما يعرفوش حاجه عن اللي أنا بعمله خالص وأبي العزيز من يومين أعطاني درس تحذيري عن اللي هيعمله فيا لو عرف اني مع الاخوان





أرجوكم ادعولي بالثبات بجد ظروفي في البيت صعبه جدا







Monday, October 15, 2007

يلا نفضحهم


ايه رأيكم في شكل المدونه الجديد






علي العموم ده مش موضوعنا دلوقتي




باذن الله يوم الخميس 18اكتوبر بالاسكندريه




لاول مره




هيبقي فيه مؤتمر للدفاع عن حرية الرأي وحقوق الانسان ومناهضة التعذيب


بالاشتراك مع مدونة تجمع المدونيين الطامحين في وطن حر بدون سجين رأي واحد




التجمع هيبقي الساعه الخامسه في نادي المحامين في جليم علي البحر




علي فكره هيحضر ناس جامده قوي




لازم تشرفونا

Monday, October 1, 2007

قد جاوز الظالمون المدى





















فى البداية أود الاعتذار عن تأخري عن كتابة تدوينات جديده حيث ان الظروف لم تكن الظروف مواتيه لذلك وقد حدثت احداث كثيره كنت اود الكلام عنها ولكن ماأن اتيحت الفرصه لي حتي أنطلقت لاكتب حدث لم يذاع في وكالات انباء ولم تهتم به جرائد مشهوره حكوميه او معارضه الا انه أثر في وأقسمت عندما رأيت ما حدث ان لا أسكت








ما معني ان تكون مريضا؟








معني ذلك ان تكون ضعيفا ذليلا لمرض لاتملك له شئ وتعلم جيدا لو كنت مؤمن ان الشفاء من عند الله وانه ليس امامك الا طريق الصبر الطويل الجميل والدعاء








اما ان تكون مريضا في مستشفي مثل مستشفي الميري بالاسكندريه -حيث انها المستشفي الجامعيه التي ندرس فيها كطلبة كلية الطب علي انقاض البشر وحطام الانسانيه حيث تري كل اصناف الهوان والعذاب التي لاتقل بأي شكل من الاشكال عن التعذيب الذي يحدث في اقسام الشرطه - فان هذا معناه أنك قد وضعت في مكانه تأبي الحيوانات ان تكون فيها ومعناه ان تسلب منك ابسط حقوق ادميتك وابسط متطلبات مرضك الا وهي الخصوصيه والشعور بشئ من احترام النفس لم يترك المرض العضال شئ منها








انا لا اعترض علي قضاء الله في حكمة المرض ولكني اثور علي تحكم انسان بانسان مثله وان يعتبره فاقد لابسط حقوق الادميه وانه لا يستحق حتي الشفقه مادام يري ان هذا يتعارض مع مصلحته التي يراها بنظرته السوداء الكارهه للحياه مهدده








في كل عام كانت تقوم جماعة الاخوان بعمل مشروع شنطة الخير في شهر رمضان




حيث يتم توفير المواد الغذائيه الضروريه اللازمه لكل اسره ويتم توزيعها علي المنكوبين في مستشفي الميري








لا تتخيلوا فرحة المرضي وأسرهم وهم يشعرون انه يوجد من يهتم بهم




يوجد من ينظر اليهم علي انهم بشر له احترامه




يوجد من ينظر اليهم علي انهم لهم حقوق وان هناك من يتذكرهم ويشعر بهم ويتألم لأجلهم








كان حدث في قمة الروعه والجمال وأنت تري التكافل الاجتماعي الذي امر به الاسلام




حدث يتعلم منه الغرب لو يرون الاخوه والاخوات وهم يمرون علي المتطوعين الذين سيساندونهم في توصيل الشنط للمرضي ويلقون عليهم ذكر اليوم الذي سيقولونه في الطريق ويطلبون منهم تجديد النوايا حتي يتقبل الله منهم جميعا




حدث يثير الروح الايمانيه ويشعرك بروعة الاسلام الذي يندمج بكل شئ في الحياه وان شئ مثل توزيع طعام علي المرضي من الممكن ان يعطي ثواب كثواب جهاد وخاصة لمن تكون هذه مقدرته








ولكن








هذه السنه لم يتم المشروع








منعه وحوش السلطه واعوانهم في الكليه حيث أنهم منعوا الاخوه من الاعلان عن موعد المشروع




منعوهم من ان يدخلوا المدرجات ليتحدثوا عن المشروع ويعلنوا عن فضائل عمل الخير في رمضان




منعوهم من تعليق اي لوحه او لافته تتحدث عن المشروع ومن كان يحاول لن يقوم بتعليق واحده لم يكن له مصير الا الاهانه ويلحق ذلك تمزيق اللوحه




منعوا الاخوه من ان يتخذوا لهم مقر في الكليه في مكانهم المعتاد علي الرغم من وجود أسر طلابيه كثيره وعامله








وللاسف اضطررنا لان نعمل المشروع فرديا من جهة الاخوات فقط والنتيجه كانت متوقعه








لم تتجمع سوي 25شنطه فقط من أصل مايزيد عن500شنطه كان يتم تجميعهم كل عام








هذه الشنط كانت تتوزع علي مستشفي الميري كلها وكانت تكفي جميع المرضي الذين ليس لديهم من يعطيهم شئ في ظروف مرضيه فظيعه في مستشفي معتقل جوانتانامو ارقي وانظف منها وأنا مش ببالغ مستشفي الميري من اقذر المستشفيات اللي ممكن انسان يدخلها








كنت دايما بقول ان اللي يدخلها بمرض هيطلع منها بغيره وفوقه الاكتئاب ده غير معاملة الدكاتره الغير انسانيه للمرضي باعتبارهم فضلات زائده لن يترك احدهم عيادته الفاخره ليهتم بهم








هل تتخيلون مامعني ان نذهب ب25شنطه فقط للمستشفي؟




هل تعرفون ان العنبر الواحد فيه مالايقل عن 8مرضي في غرفه ضيقه؟




هل تتخيلون المهزله التي حدثت؟








اريدكم ان تطلقوا العنان لخيالكم الخصب لتتخيلوا المرضي واهلهم وهم يروننا صاعدين علي السلالم الكئيبه وعرفوان أن معنا اكياس طعام للتوزيع








سأنقل لكم بعض من المشاهد البشعه لعل ذلك يساعد مخيلاتكم فترق قلوبكم وعلي الاقل تدعون لهم بالرحمه والشفاء








ان يتجمع علينا أهالي مرضي بأمراض أرتعب من ذكر أسمها ليتوسلوا الينا أن نترك لهم شيئا




ان يتذللوا الينا ويدفعوا الينا بتذاكر العلاج حتي نري ماسيهم فنعطيهم




ان يتوسلوا الي ممرضات المستشفي ليشهدوا لهم بأنهم بالفعل لديهم كل هذه الامراض




أن يتنازل الانسان عن عن كرامته وكبريائه في سبيل طعام لن يكفيه اكثر من يومين ولكنه يعلم انه لايملك شيئا اصلا فتكون هذه ثروه بالنسبه له








لقد أصابني انهيار عصبي يوم الاحد -يوم التوزيع -وانا أري مناظر المرضي في الغرف الضيقه الحقيره علي الاسره الباليه الغير نظيفه وظللت ابكي حتي كدت ان يغمي علي وعندما ذهبت لاصلي التراويح ظللت ابكي حتي أن امرأه كانت بجواري هالها ما كنت فيه وشرعت في تهدئتي وهي تقول لي أن لاأحزن فمهما كانت المشكله صعبه سيفرجها الله وأن لاأفعل بنفسي هكذا وباقي كلام المواساه




لكني والله لم أستطع حتي الرد عليها








حرامية البلد اللي سرقوها وخربوها وجعلوا اهلها أذله وغرباء في بلدهم لم يسمحوا حتي لغيرهم أن يفعل خير




الذين في قلوبهم مرض وفي رؤوسهم قذاره وغباء يرون لن كل الناس مثلهم وأن من يفعل خير لايفعله الا لأنه يريد من ورائه مكسب سياسي




الكلاب ولو اني حرام أشتم الكلاب بيهم يسرقون الناس ويعذبونهم ويرمونهم في مستشفيات لا تعيش فيها حيوانات ويستخسرون ان يفعلوا لهم شئ علي أساس أنهم قاذورات لا تدفن تحت الارض ثم حتي لايقبلون أن يساعدهم أحد








أهل بلدي والله أنهم لايريدون من أحد ان يشعركم بأنكم بشر لكم رفعه وعندكم كرامه ولديكم حقوق وأن هذه البلد هي بلدكم وأنتم مالكيها








أهل بلدي انهم لا يريدون أن يعاملكم أحد باحترام ويذكركم بحقوقكم وبأنهم هم المفروض أن يخدموكم وأنتم تحكموهم وليس هذه المهزله التي تحدث








لو تروا عملاء الحكومه وهم واقفين علي باب الكليه يفتشون شنط الاولاد ليروا مافيها




علي فكره هم بيختاروا شباب معينين اللي هم عارفين طبعا أنهم من الاخوان عشان يشوفوا لو معاههم كتب دعويه ولو حتي للاستخدام الشخصي








الاخوه يوم السبت كان معهم ملزمات امتحانات كانوا كل سنه يحضروها الكليه بعد أن بذلوا جهدا كبيرا لجمعها من أجل خدمة الطلبه بدون تفريق لدين او مذهب سياسي أو أي شئ من هذا حيث أن كل ما كانوا يريدونه خدمة الدين وابتغاء رضا الله








ولكن عملاء الحكومه تطاولوا عليهم بالسباب وكاد ان يتطور الامر للاعتداء بالضرب لولا أن الاخوه جنحوا للسلم كعادتهم ولعدم رغبتهم في أن يكون هناك مشاكل مع أحد عشان العنف مش منهج الاسلام اللي الاخوان يسيرون علي دربه




وبالطبع تم منع الملزمات من الدخول












انهم يمنعون أي نشاط اخواني داخل الجامعه ويريدون تحجيم دورنا في مقابل زيادة مساحة أعوانهم حتي لايكون لنا أي فاعليه في الكليه حتي ولو كان هذا علي حساب المرضي والمحتاجين والطلبه








انهم يدخلون مصالحهم القذره في كل شئ ويسيسون العمل الجامعي والخيري مع أنهم يكذبون في كل مكان ويقولون أنهم يريدون منع السياسه من الدخول الجامعات








فبم تبررون افعالكم الوحشيه








اللهم انتقم لكل المساكين والمرضي الذين منع عنهم شياطين الانس الخير الذي أرسلته اليهم




اللهم بحق كل دمعه نزلت من عين مريض وبحق كل انّه صدرت من صدره وهو يتألم وبحق ذل أهله وتحكم فراعنة العصر فيهم انتقم لهم يارب








معذره للاطاله فقد طلب مني مدونان كريمان ألا أطيل ولكن الذي حدث أقوي مني ولن يشفي ضيق صدري وكابة نفسي علي ما حدث الا الكتابه لأفضحهم








اللهم انا نشكو اليك ضعف قوتنا وقلة حيلتنا وهواننا علي الناس




أنت رب المستضعفين وأنت ربنا




اللهم لا تكلنا الي قريب لا يخشاك ولا يخافك ولا يرقب فينا ذمة ولا ضمير








هناك صورتين لما يفعلونه من تفتيش الطلبه وهم واقفين علي بوابة الكليه والمزيد قادم












Thursday, September 20, 2007

مفتي الحكومه ورجل الاعمال الدبلوماسي


في البدء اعتذر عن تأخري في الرد علي كل من شرفوني وعلقوا في البوست السابق






اختلفت ارائكم بين مؤيد ومعترض ولكن يجب في النهايه ان يعلم الجميع اني احترم كل المدونين سواء من توقفوا او من استمروا سواء من يزورون مدونتي المتواضعه او من لا يدخلون عندي






فكرت كثيرا كيف استفيد من المدونه بشكل افضل في رمضان بحيث استطيع الدمج بين الالمام بلاحداث الجاريه وبين الاهتمام بالجانب الروحي الذي يناسب الشهر الكري


فكنت اريد ان اكتب بوستات تشمل الحديث عن ابطال الاسلام الذين لا يعرفهم احد بشكل كافي بالاضافه الي بوستات اخري لاتناول فيها احداث جاريه يجب الحديث عنهامي


فادعوا لي ان اوفق فيما اريد فعله








العنوان غريب شويه ولكن اصحابه هما شخصيتين مختلفتين بموقفين يدوران حول شئ واحد حدثا هذا الاسبوع لفتا انتباهي واردت التعليق عليهما




سوف اتكلم عن الشيخ اولا


في برنامج القاهره اليوم استضاف عمرو اديب الشيخ علي جمعه مفتي الديار المصريه بصراحه انا مش فاكره اليوم بالضبط اعتقد يوم الاثحد او الاثنين الماضيين


كان يتكلم معه علي حرية الاديان في الدستور المصري والاحاديث المعتاده واللي من كثرة الكلام فيها اصبحت ممله وسخيفه وهي عن حريه العقيده في مصر وحرية اعتناق اي دين وغيرها من الكلام الممل ده




بصراحه مش ده اللي لفت انتباهي في الموضوع لان المواضيع دي معروف من يثيرها في مصر واكبر دليل علي ذلك تقرير حرية الاديان اللي صدر عن الولايات المتحده الامريكيه فكلنا عارفين الدور القذر اللي بتقوم بيه امريكا ومن يعاونها من اقباط المهجر ولا ننسي كيفية توزيع المعونه الامريكيه في مصر حيث انه يتم توزيعها علي الاماكن ذات الاغلبيه القبطيه لتطويرهم وزيادة قوتهم وكان كاتب كبير في جريدة الاهرام قد تناول هذه الكارثه بالتحليل واوضح ما تفعله الاداره الامريكيه بمعاونة اقباط المهجر في مصر مما دفع مسئول كبير في الاداره الامريكيه للنفي وطبعا عشان يداري فضيحتهم




اللي لفت انتباهي انه في فقرة تلقي الاتصالات الهاتفيه تلقي الشيخ اتصال من مواطن مصري يعيش في الرياض يتساءل فيه بحرقه ونرفزه قوي عن الاخوان المسلمين وان الناس دول حكايتهم ايه بالضبط؟




بصراحه انا فضلت اضحك علي اللي بيتصل واستغربت من واحد سايب البلد والقرف اللي فيها وكل الظلم والبهدله والفقر والاستبداد واراح نفسه وسافر يجمع فلوس وربنا يباركله في فلوسه بس مادام هو مش بيشوف اللي بيحصل في البلد ومش عايش الذل والمهانه اللي عايش فيها المصريين فياريت يريح نفسه ويسكت احسن




المهم :انا كنت متوقعه طبعا ان هيهاجم الاخوان ولكن بطريقه مختلفه عن اللي قالها




الشيخ كان بيتكلم بمنتهي الهدوء عشان يوضح انه في قمة التعقل وانه لا يهاجم الاخوان لشخصهم وانه للاسف طلعت عينه معاهم بس هم مش بيستجيبوا لحاجه




الشيخ قال :انا مش هتكلم علي خصوص الاخوان وانما الفرق بيننا وبين الاخوان هو ان الاخوان يريدوا ان يحكموا بفتح الياء ونحن نريد ان نحكم بضم النون




الشيخ يفسر كلامه بان الاخوان يريدوا الحكم ولا يقبلوا لاي حكومه اسلاميه غيرهم تحكم اما باقي المسلمين من وجهة نظر الشيخ فهم لا يهمهم الحكم وان اهم شئ عندهم ان تكون الحكومه اسلاميه وكفي




يا شيخ اتقي الله الذي ستقف امامه يوم القيامه




ماذا تعرف عن الاخوان ماعدا عن الاخبار التي تستقيها من المحاضر الامنيه




اريد ان اوضح اني لا ادافع عن الاخوان لاني منهم والله ابدا ولكن طبيعه شخصيه لي ارفض الظلم والتجني علي احد سواء متفقه معه او مختلفه معه




علي اي اساس تتهم الاخوان بأنهم لا يريدون الا الحكم




علي اي اساس تقول ان الاخوان يرفضون اي حكم اسلامي اذا لم يكن هم رؤسائه






لا حول ولا قوة الا بالله يتركون دينهم ويبيعونه لسلاطينهم وحكامهم وطواغيتهم ثم يتهمون من يتمسكون به بالسعي للحكم والطمع في السلطه




مشكلة الاخوان مع هؤلاء ان الاخوان تمسكوا بالدين في حين ان غيرهم تركوه




مشكلة الاخوان معهم انهم قالوا عاليا ان الحكم بغير شريعة الله لا يصح




مشكلة الاخوان معهم انهم لم و لا ولن يخافوا الا الله وانهم لايهمهم استبداد المستبدين




مشكلة الاخوان انهم ضحوا بكل شئ في سبيل فكرة ان يسود الاسلام العالم بعدل ورحمه وان هؤلاء غير مستوعبين ان يكون هناك ناس لا تهمهم ارواحهم ولا اولادهم ولا اموالهم ولا الحياه الجميله الهانئه اذا كان في سبيل الدين




مشكلة الاخوان معهم ان هؤلاء باعوا الدين بالدنيا واصبحت فتاويهم علي هوي اهل الحكم واصبحت الدنيا هي اكثر همهم واصبحت الحياه احب اليهم من الاستشهاد في سبيله فهم لا يتوقعون ان يكون هناك احد مازال يفكر بهذه الروحانيه في زمن غلبت فيه الماديه علي كل شئ حتي الدين لذلك فهم يفسرون افعال الاخوان بتفكيرهم المريض ومن وجهة نظرهم الدنيويه ولو انهم فقط فكروا بتفكير الاخوان لما قالوا هذا




مشكلة الاخوان معهم ان من يبيع دينه لا يطيق ان يري احدا متمسك به فيكون هذا كافيا للهجوم عليهم والتشكيك فيهم




ليس ذنب الاخوان انهم تمسكوا بالدين في وقت اصبح الجميع يفر منه




ليس ذنب الاخوان انهم لا يجدون غيرهم ينادوا بالاسلام وتحكيم الشريعه




والله لو وجدنا احدا لا يخاف ومستعد ان يتحمل ما يعانيه الاخوان في مصرو ينادي بالتمسك بالدين واعادة مجد الاسلام لاتبعناه وايدناه




ولكن تخاف الفئران ان تخرج من جحورها




لا امجد في الاخوان فهم لديهم اخطاء ولكن يكفيهم شرف المحاوله في وقت كف الاخرون عن الحياه بكرامه




انا لا اهاجم احدا ولكن كل انسان ادري بنفسه وكل شخص يعرف نفسه وتفكيره




ليس من الضروري ات تكون اخوانيا لتكون مناضلا في سبيل الله فنحن نتمني ان يقوم كل المسلمين سواء معنا او بانفسهم ولكن قوموا




انا وعلي ما اعتقد كل الاخوان نحترم كل مناضل ومجاهد في سبيل الله ولو لم يكن معنا




نحن لم نحتكر الاسلام علينا ولم نقل اننا قادة الاسلام الوحيدون الذي من المفروض علي كل المسلمين اتباعنا ولكننا نجاهد في سبيله وننتظر يوم قيام كل المسلمين ليدافعوا عن دينهم ووالله سوف يكون شرف لنا المشي وراء خطاكم








رجل الاعمال الدبلوماسي


في برنامج كان يوم الثلاثاء علي القناه الاولي المصريه في الساعه الحادية عشر والنصف كان الضيف رجل الاعمال نجيب ساويرس




دار الحوار بينه وبين المذيعه في شتي المجالات وتحدث عن نفسه وعن رؤيته الاقتصاديه ولا ينكر احد انه رجل اقتصاد بارع




وجاء السؤال الذي اكتب من اجله هذا الكلام:




كان السؤال:انت تري انه يوجد في مصر حزب خفي في مصر وهو رؤيتك له انه اقوي حزب وانك مختلف معه ومعترض عليه وعلي شعاره؟




بصراحه انا كنت متوقعه انه هيشتم وهيهاجم بطريقه غير منطقيه علي عادة الاقباط و العلمانيين المتعصبين وبما ان السؤال نفسه فيه هجوم كبير




الا انه اتكلم بطريقه دبلوماسيه

وكان رده:انه بالفعل يري الاخوان الاكثر قوه من الناحيه العقائديه والناحيه التنظيميه


فتسأله المذيعه بأنه طبعا معترض علي الشعار والفكره؟


فرد عليها بطريقه لبقه جدا ان الشعار يلغيه كمسيحي وانه يفضل الفكر اليبرالي العلماني


رجل الاعمال نجيب ساويرس من قال لك ان الاخوان ممكن يلغوا اي حد في الدوله لمجرد انه مسيحي


لو حضرتك مش عارف تفكير الاخوان وفاكر ان احنا ممكن نضطهد حد لمجرد انه مسيحي يبقي حضرتك ماتعرفش حاجه عن الاسلام لان الاخوان كل ما يتمنونه هو تطبيق الاسلام اللي هيحفظ حقوق كل من في الدوله مسلمين او غير مسلمين


لو حضرتك عايز تعرف بالفعل وتتفاهم ويكون هناك حوار فأنا اقول لك ان الرسول اوصانا باهل الذمه في اكثر من حديث


فقال:من اذي ذميا فانا خصيمه يوم القيامه


يعني اللي عايز الرسول يتخاصم معه فليؤذي ذميا باي شكل من الاشكال بدون سبب

لو حضرتك لا تريد التفاهم او الاستماع وتصر علي وجهة نظر معينه كعادة المسيحيين او العلمانيين المتعصبين فليس هذا ذنبنا


لقد وجد الاخوان ليبقوا
وهناك رجال يضحون بارواحهم في سبيل هذه القضيه ولن نتنازل عنها لنرضي احد فمن اراد ان يتفاهم معنا فنحن مستعدون اما من اراد الهجومم والتعصب فله كامل الحريه فيما يفعله ولكنه لن يوصله الي شئ



.






Friday, September 14, 2007

هاكتب علي جدران النت


بصراحه في اليومين اللي فاتوا كنت حاسه اني جالي اكتئاب وحسيت اني مش عارفه اكتب حاجه او مش عايزه اكتب حاجه






والسبب




ان بعض من المدونيين الكرام قرروا التوقف عن التدوين خلال شهر رمضان الكريم




في الاول كده كل سنه وانتم طيبين وباذن الله يكون رمضان ده بداية طريق النصر للمسلمين




نيجي بقي للمشكله




لما قرر بعض المدونيين التوقف عن التدوين خلال رمضان عشان رمضان ده شهر عباده ومش عايزين نضيع وقت في التدوين




بصراحه انا صدمت والكلام شككني في نفسي وفي اللي بعمله في المدونه اصل لو حد حاسس انه بيعمل حاجه تضيع الوقت او مش مهمه قوي فده يبقي في كل الاوقات مش رمضان بس لان قيمة الوقت مهمه وغاليه في كل الشهور




انا فضلت اراجع نفسي واقول طب ايه هدفي من التدوين والناس اللي داخله تدون هدفهم ايه منه






انا قبل ماابدأ تدوين اللي تزامن مع انضمامي للاخوان ماكنتش بعمل حاجه خالص يعني كل اللي اعمله اني انصح واحده صاحبتي او اتبرع بفلوس غير كده ماكانش ليا اي نشاط من اي نوع






طبعا اللي انا كنت فيه ده اتسببلي فعلا في اكتئاب وكنت فاشله في الدراسه لاني حسيت اني ماليش لازمه ومش بخدم الدين بحاجه




لما عرفت التدوين حسيت اني في طريقه اقدر بيها علي الاقل اني اقول رأيي اني اتضامن ولو روحيا مع ناس احسن مني كتير ناس بتجاهد فعلا سواء هنا في مصر او في اي منطقه محتله بالخارج ولو ان انا مش شايفه اختلاف كبير بيننا وبينهم نفس الذل والاهانه والاحساس بالغربه في ارضنا






كمان انا لم اكتف بان انا ادون واكتب وخلاص انما انا انضميت للاخوان .انا مش بشكر فيهم ولا بقول ان اللي يبقي معاهم يبقي خلاص ضمن الجنه وانما انا قصدي انهم وسيله رائعه لخدمة الدين بفاعليه. وابقي مع اللي بيغيروا بجد واللي مستعدين يضحوا بارواحهم عشان الفكره بتاعتهم مش مجرد واقفه بعيد اتفرج .طبعا انا مش زيهم واقل منهم ولكن بحاول اتعلم






الاخوان بالنسبه لي وسيله مش هدف






والتدوين بالنسبه لي طريقه لعرض افكاري واني اقول اللي انا حاساه وعايشاه واني ادافع عن قضيه انا امنت بيها






التدوين بالنسبه لي نوع من انواع الجهاد وهو جهاد اني اقول كلمة حق في وجه امام جائر






انا مش عامله المدونه عشان عندي وقت فراغ مش عارفه اعمل بيه ايه بالعكس كلية الطب صعبه جدا وانا داخله سنه تالته واي حد يعرف حاجه عن الطب هيعرف الي اي مدي السنه صعبه وبعد النجاح الهزيل اللي عملته السنه دي فانا اتمني اني احقق نجاح كبير عشان الهدف اللي عايزه اوصل له مش هيقبل بغير المتميزين ده غير ان اهلي فصلوا النت من البيت وبعد كده مش هاكتب الا من سيبرات يعني تعب ووجع قلب






انا كمان مش عامله المدونه عشان اتعرف علي شباب او اعمل حاجات مش هجرؤ اعملها امام الناس




وكمان مش عاملاها عشان اتكلم وخلاص علي اساس انه كلام لتفريغ ما اشعربه بدون اي هدف من اللي بكتبه






انا عامله المدونه دي عشان القضيه اللي انا مؤمنه بيها لازم نعمل عشانها اي حاجه وانا ماكنتش في غني قارون وسلطة فرعون وتركت كل الفلوس والسلطه ودخلت اعمل مدونه يا عالم مين هيقراها او يدخل عليها






ربنا اكثر من يعلم انه لم يكن في مقدرتي غيرها وان هي دي الحاجه الوحيده اللي اقدر انشر بيها افكاري وقضيتي بجانب العمل مع الاخوان مباشرة مع الناس






ممكن حد من اللي عاملين مدونه لما يقرأ الكلام ده يضحك ويحس اني ببالغ او بعطي الامر اكثر من حجمه او بعطي اللي انا بعمله اهميه اكثر من اللي يستحقها






وده هيتوقف علي النظره المختلفه لكل منا عما يفعله






فانا اعطي للي انا عايزه اعمله في المدونه قيمه عظيمه عندي علي اساس انه طريقه جهاديه ودعويه لا تقل اهميه عن اللي بيحاربوا في ارض المعركه






اما اللي شايف اللي بيعمله مش مهم قوي فلا يصح ان يفعله في رمضان او الوفت اللي بيكتب فيه يكون اولي انه يعمل فيه عباده من العبادات وساعتها انا رايي انه يبطله في كل الشهور لان برضه في عباده علي طول


اما لو حد شايف ان ده جهاد ودعوه في الشهور الاخري فازاي يبطله في رمضان مفيش في الاسلام حاجه اسمها نشتغل بره رمضان ولما ييجي رمضان نتفرغ للعباده بالعكس في رمضان المفروض ان الجهاد والدعوه يزيدوا معظم الحروب المهمه في الاسلام كانت في رمضان والرسول والقواد من بعده ماحدش قال فيهم ان ده رمضان فنكتفي بالتعبد فقط






الدين بتاعنا عمره ماكان دين حد يفضل يصلي ويصوم فيه فقط بالعكس ديننا بيأمرنا بأن احنا نختلط بالناس ولانكف عن الدعوه في اي وقت بالعكس الدعوه والجهاد هم اعظم الاعمال الي الله والرجل العابد اللي ربنا طلب الملائكه ان يبدؤا به في العذاب وذلك لانه كان انقطع للعباده وترك الدعوه لله والامر بالمعروف والنهي عن المنكر






في مدونات كتير انا كنت بستفيد منها جدا كان في حاجات بتعلمها منهم ماكنتش بقدر اتعلمها في اي وقت تاني وفجأه لقيتهم بيقرروا التوقف طب ليه؟ الاولي انكم تفيدوا الاخرين في رمضان اكثر من اي وقت اخر




عوضا عن التوقف كان المفروض يبقي فيه تفكير في كيفية تطوير المدونه بحيث تصبح اكثر افاده وفاعليه واكثر تعليما للمسلمين بامور دينهم وتاريخ دينهم اللي مفيش حد يعرفه






يعني بدل ما واحد يفكر يوقف المدونه كان يفكر مثلا انه يعمل سلسله عن تاريخ ابطال المسلمين وابطال الفتوحات الاسلاميه اللي مفيش حد عارفهم وتخيل الثواب اللي ممكن تاخذه






وياريت ماحدش ينسي احاديث الرسول عن اهميةطلب العلم وان فضل العالم علي العابد كفضل القمر علي سائر الكواكب وان العلماء ورثة الانبياء وانتم اخترتم بدل من تكونوا علماء يفيدوا غيرهم بجانب العباده ايضا ان تكونوا عباد فقط ودي خساره كبيره جدا




واللي بشوف ان المدونه دي بيتكلم فيها وخلاص كانه بياذن في مالطه ومفيش حد هيسمع اللي بيقولوه فيكون الاحسن انه يوقفها في رمضان فانا هقوله رايي

انا لما بكتب في المدونه مش بيهمني الكلام ده هيوصل لكل الناس ولا لآ انا اهم حاجه اني اعمل اللي عليا في الحاجه اللي ربنا قدرني عليها من غير ما احسب النتيجه






انا علي السعي وليس علي ادراك النجاح




اهم ما افعله هو ان اخلص لله في عملي وان اصحح نيتي بان كل ما افعله لخدمة الدين ثم اترك الله ياتي بالنتيجه




انا شايفه ان باخلاصي للي بعمله ربنا هيكرمني فيه وتبقي منه نتيجه تخدم الدين




لما ساعات افكر في عدم اهمية اللي بعمله واني كاني بأذن في مالطه وان الاولي مثلا ان في رمضان اترك اللي بعمله واعمل اي عباده




بفتكر ان ده جهاد وطريق دعوي وانه مهما كان صغير ومش مهم دلوقتي فانا ماعرفش هيبقي في المستقبل




وبفتكر دايما ناجي العلي اللي هو ماكانش افكاره اسلاميه الا انه كام مؤمن بقضيته وكان في بدايته بيكتب علي جدران المخيمات لان ماكانش في وسيله اخري ينشر بيها اعماله وساعتها ما قالش مين اللي هيشوفها ولا ايه اهميتها انما هو عمل اللي عليه فربنا كرمه بان غسان كنفاني سمع عنه مره فارسله ونشر اعماله




علي الرغم من اختلافي مع الاثنين الا اني احترم الكفاح وعدم اليأس في اي انسان مهما كانت درجة اختلافي معه




الامام حسن البنا بدأ طريق الدعوه بانه كان بيكتب ورق فيه نصائح وكان بيتركها تحت ابواب المحلات اللي اصحابها كانوا بيرتكبوا أخطاء وده عشان مايسببش احراج لهم لانه اصغر منهم






انا لما بفكر في الامثله دي وبالطريقه دي بستعيد ثقتي في اللي بعمله وارجع احب اني اكتب ومافكرش اني اوقف التدوين لا في رمضان ولا غيره


وبقول انا هفضل اكتب علي جدران النت وبأذن الله مش هيأس



ارجو الا يغضب احد من كلامي وان شعر احد ان كلامي كان صادم فوالله لم اقصد ان اجرح احد وعندما تكلمت لم اكن اقصد احد بالتحديد وبالطبع لم اقصد ان اقول اني افضل من احد بل اني الاقل عشان كده اتضايقت ان ناس افضل مني كثيرا توقفوا


انا ماعرفش ظروف كل اللي وقفوا التدوين ولكن انا بتكلم علي المدونيين اللي مش مقتنعيين باللي بيعملوه تمام الاقتناع وشايفين انه لا يرتقي لمستوي الدعوه والجهاد فخساره يضيعوا وقت رمضان عليه


يهمني ارائكم جدا لاني عايزه اعرف هدفكم ايه من التدوين


رمضان كريم



Tuesday, September 4, 2007

خطة فرض الحجاب


في البادئ أحب ان أعتذر عن عدم كتابتي للموضوع الخاص بأسامه بن لادن الان لاني لااحب ان اكتب في شئ الا لما أجمع كل المعلومات الممكنه عن الموضوع بحيث استطيع الرد علي اي استفسار او تعليق اوهجوم وذلك حتي لا اسئ للشخص الذي اتكلم عنه بجهلي






لا يوجد احد كامل ومهما جمعت فبالتأكيد لن يكون كل شئ كامل ولكن علي الاقل اكون بذلت جهد وانتيجه علي الله






نفس الامر بالنسبه لما أراه بعض ماخذ علي الاخوان لن اكتب تدوينه كامله فيه الا بعد ان اجمع اراء مصادر متعدده سواء تاريخيه او سواء من الناس وذلك حتي اذا كان كلامي صحيح لا يكون نقد بلا حل او بلا وضع رؤيه للتصحيح واذا كان كلامي خاطئ لااكون اسأت لناس انا أحترمهم واحبهم الي اقصي حد كما أني أعتبرهم السبب الذي سخره الله لانقاذي مما كنت فيه



ادعو لي بالتوفيق









اما بالنسبه للموضوع الذي سأتناوله اليوم وقد قرأته في ركن مهمل من شريط الاخبار في الجزيره وعلي قدر علمي لم تتناوله المحطات الاخباريه بالتحليل والمناقشه الا وهو قيام الحكومه الايرانيه بحمله لتصحيح الحجاب و مواجهة التبرج




طبعا انا يعني لما قريت الخبر ده قلت ربنا معاكم يا يا نساء ايران فيما انتم فيه في البدايه بس انا عايزه اقول ان انا منتقبه يعني اكثر من سيدافع الحجاب ويمكن ان يتم اعتباري متشدده




ولكن




اللي الحكومه الايرانيه ومثلها الحكومه السعوديه بيعملوه نوع من انواع الارهاب الفكري يسئ للاسلام اكثر من اي شئ اخر ويكره النساء في الحجاب




اللي انا بقوله ده بنشوف نتائجه لما نلاقي نساء وبنات سعوديات وايرانيات يخلعن الحجاب بمجرد خروجهن من البلاد طبعا هتقولوا ان دول اصلا غير محترمات وغير ملتزمات ولا يعرفن عن الدين شيئا ولكن




هل اصلا الحياه الاسلاميه في كلا البلدين سليمه ؟


سوف اتناول ايران الان بالشرح وطبعا برضه قلت اكيد هيبقي فيه تقصير لكن يكفيني شرف المحاوله




ايران دوله تعتز بثقافتها الفارسيه والشيعيه علي السواء فهم مثلا ينظرون للخليج العربي علي انه الخليج الفارسي ويطلبون بتسميته هكذا طبعا نحن لا نعارض ان يتمسك كل انسان بتاريخه مادام لا يؤذي غيره ولكن الحكومه الايرانيه في نسختها الشيعيه بعد قيام الثوره افضل شئ تفعله هو انشاء الخلافات والتطلع للسيطره واقامة الهلال الشيعي ولكن مش هتكلم دلوقتي علي سخافتها السياسيه واحلامها الطائفيه واضطهادها لاهل السنه هناك




انا هتكلم علي النظام الاجتماعي




طبعا عند الشيعه الاثني عشريه زواج المتعه ده نوع من التقرب الي الله علي الرغم من نهي الرسول عليه الصلاة والسلام عنه في غزوة خيبربعد ان كان صرح به وزواج المتعه ده يعتبر كارثه اجتماعيه سوف تؤدي الي انهيار الدوله حيث اختلاط الانساب او الجهل بها من الاساس ادي الي ظهور اطفال لا يعرفون لهم اباء ولا هويه وليس لهم قيمه في المجتمع اللي هو كان السبب في وجودهم بسبب تشجيع الملالي في ايران علي زواج المتعه مما دفع بعض من المثقفين وبعض شيوخ الدين اللي شايفين الكارثه اللي هتضرب البلد من الدعوه الي تقليله او وضع روابط له



طبعا هيتسائل البعض ايه اللي دخل ده في الكلام علي الحجاب




الموضوعين مترابطين لما تكون دوله فيها شئ منتشر زي زواج المتعه والبناء الاجتماعي والاخلاقي مهدد وللاسف البنات اللي بتنتج من الماساه دي ولا تجد من يرعاها تتجه للانحراف وتضطر لان تتاجر بنفسها لانها منبوذه اجتماعيا




بعد كل المصايب دي ييجي الشيوخ والملالي- اللي هم اكبر محرض علي زواج المتعه ده واللي مايقدرش حد يقولهم حاجه او يعدل عليهم في شئ لان اللي يجرؤ وينتقد الملالي بتوعهم هيروح ورا الشمس لانهم بيعطوهم مكانه الائمه المعصومين اللي مابيغلطوش ابدا ولو غلطوا فالبشر العاديين غير مؤهلين للتعديل عليهم-ويفرضوا الحجاب بالعافيه وبالقوه وبالارهاب




علي اي اساس يتم فرض الحجاب بالقوه اذا كان الرسول نفسه عليه الصلاة والسلام لم يجبر امرأه واحده علي ارتداء الحجاب لقد جاء الرسول بايات الحجاب وتلاها عليهم والنساء من نفسهم لبسوه لان الناحيه الدينيه كانت في قمتها والسلام الاجتماعي والعداله الاجتماعيه لم يكن لهم مثيل بالاضافه الي فهم الناس بالدين وفقههم لشئونه ومعرفتهم ان اي امر لله لايرد اما الرسول فلم يرهب امراه ابدا لتلبسه




اما الملالي الايرانيين فيفرضوا الحجاب علي ما في المجتمع من فساد وخراب وانعدام للعدل و الرحمه




قوات الباسيج اللي مسئوله عن عملية فرض الحجاب من اقسي واسوأ ما يمكن ان يتعامل معه انسان ولديهم صلاحيات لضرب النساء وسبهن في الشارع اذا لم يعجبه حجاب اي واحد في الشارع مستحيل ان يكون هذا من شيم الاسلام مستحيل ان يكون الاسلام بهذه القسوه وهذا الاحتقار للانسان




طالبان اللي بيتم اتهامها بانها تفعل هذا الشئ في برنامج علي الجزيره اسمه الاماره الثانيه سأل المذيع امرأه افغانيه وهي كانت طبيبه عما اذا كان الطالبانيين يجبروها علي زي معين فقالت لا بالعكس انهم يتركوني اقوم بعملي ولا اتعرض لاي مضايقات طبعا لان كل الكلام اللي بيتقال عليهم هو جزء من الحرب الاعلاميه الامريكيه الحقيره ضدهم




ايه اللي انا اتمني ان حكومه اسلاميه تفكرتعمله في هذا الموضوع-من رايي المتواضع-؟


ان مستحيل ان يتم فرض الحجاب بالعافيه ولايسمح بالفرض الجبري للحجاب لانه لن يتحملاحد ان تقوم نساء بلده بخلع الحجاب خارج البلاد




وانما اللي يتعمل


اولا توفير المناخ الديني الملتزم للشباب بنوعيه في البلاد يعني قفل قنوات العري كليب دي تماما

ثانيا:بماان العدل اساس الملك وكما قال سيدنا علي ان الله يربي الامه الكافره لو كانت عادله ويمحق الامه المسلمه لو كانت ظالمه والسبب ده من اهم اسباب تفوق الغرب علينا


فباذن الله يعملوا قدر جهودهم لاقامة العدل والا يكون هناك احد فوق المساءله وفوق الحساب وان يكون هناك مساواه بين الرئيس وبين اقل انسان في الدوله(انا قصدي القله الوظيفيه مش الشخصيه) وده طبعا لا يحدث في ايران حيث انه طبقا للشريعه الشيعيه فان الملالي لهم زكاة الخمس وهذا قمه في الظلم الاجتماعي كما انه مش من المسموح مراجعتهم في اي شئ




ثالثا:يتم العمل علي ان يحب الناس دينهم بحيث تسعي النساء الي الحجاب السليم بدلا من الفرار منه




رابعا:اقامة عداله اجتماعيه مع كل الناس فبالنسبه الي تطبيق الحدود يجب الاهتمام بان يتم تطبيق الحدود علي اهل السلطه واقربائهم قبل الفقراء والبسطاء اذا اخطاوا وذلك لانه كما قال الرسول عليه الصلاة والسلام انما هلك الذين من قبلكم انهم اذا سرق فيهم الشريف تركوه واذا سرق فيهم الضعيف اقاموا عليه الحد ان هذا الامر يؤدي الي الهلاك ان نهضتنا الاسلاميه ليست فقط بتطبيق الحدود وانما بالعداله في تطبيقها




خامسا :فرض الاحتشام- حيث ان الاحتشام ولبس الملابس المحترمه بغض النظر عن نوعها يعني اهم شئ الا تكون مثيره للغرائز - مطلب لكل الناس مسلمين ومسيحيين علمانيين او اسلاميين يعني حتي علمانيين كثر يحاربون الحجاب-ربنا يهدي ويشفي- الا انهم يهاجمون موجة العري اللي موجوده دلوقتي


يعني لو واحده لم تلبس الحجاب مفيش حد يلبسهولها بالعافيه لان ده يتنافي مع الاسلام وهي هتخلعه لما تسافر وهتسئ للحجاب اكثر بس هيطلب منها الاحتشام في اللبس يعني مفيش واحده تلبس ميني جيب وستومك وتقوللي دي حريه شخصيه لا دي قلة ادب مش حريه




النقاط الخمسه دي طبعا غير موجوده باي شكل في ايران كل اللي هم بيعملوه انهم ياخذوا الدين بظواهره ده غير طبعا العقيده الفاسده بتاعتهم والحجاب جزء من اجزاء الدين فاذا صلح الدين صلح الحجاب واذا وجدت النساء انفسهن في مجتمع ملتزم بيحفظ حقوقهن ويعينهن علي الطاعه هيلبسن الحجاب من غير الحاجه للاجبار زي ما حصل ايام الرسول




طبعا لو في اي اقتراحات اخري او اي وجهة نظر في الموضوع ده ياريت تفيدونا بها


واغفروا لي اي تقصير مني




استفدت كتير في كتابة الموضوع ده من موقع مفكرة الاسلام لانه كان بيتكلم علي الموضوع ده قبل كده

ويقدر اي حد يشوفه هنا

وفي موقع اخر كان بيتكلم عن ماساة نساء ايرانيات مابين انتشار زواج المتعه والعواقب المترتبه عليه وبين قسوة الحكومه الايرانيه وتقدروا تدخلوا عليه من هنا

وباذن الله هتكلم علي السعوديه قريبا