كانت هناك أشياء كثيره مهمه أريد الحديث عنها
ولكني وجدت دوامه من الافكار تعصف برأسي لدرجة أني فقدت التركيز الذي يؤهلني لكتابة شئ واحد
فقررت الرد علي التاجين اللذان كانا قد اهداهما الي عبد الرحمن عياش و بنات أفكاري
التاج الاول من بنات أفكاري
قالوا لك تختار عصر من عصور مصر عشان تعيش فيها تختار أي عصر وفي عهد أي حاكم؟اشمعني؟
العصر اللي العز بن عبد السلام جاء الي مصر بصراحه مش فاكره مين الحاكم اللي كان موجود بس الشيخ بن عبد السلام علمه الادب فيمكن عشان مش لاقيه حد وقف لحاكم مصري زي الشيخ بن عبد السلام فكان نفسي أشوف المعجزه دي
أول أولويه في حياتك عيلتك ولا شغلك ولا أصحابك؟
لكل مقام مقال ماينفعش أضيع حق أي حاجه علي حساب الاخري।
أهم أولويه عندي هي اني اعمل حاجه عظيمه للاسلام يعني ممكن ده يعتبر من الشغل
أكثر حاجه بتحبها في رمضان
ليل رمضان الفرحه في الشوارع وقت السحور
ان في حاجه أنا ببقي حاساها وعايشه فيها وواثقه أن كل الناس زيي
أوصف أجمل افطار ممكن تفطره
حسب الحاجه اللي نفسي اكلها وقتها
لو أنت حاكم علي مجموعه من الافراد هتكون حاكم عادل ؟طب هتتأكد ازاي انك عادل؟
أعوذ بالله أنا مستحيل أطلب الحكم أو أسعي اليه أو أسمح لحد انه يدبسني فيه
ل
ايه ترتيبات لفرح ممكن تحضره؟
حسب حالتي النفسيه والمزاجيه ساعات ببقي عايزه فرح هادئ وساعات ببقي عايزه فرح صاخب
بس بتمني احضر فرح اسلامي لاني عمري ما حضرت فرح اسلامي قبل كده
بتراعي كلام الناس والقيل والقال؟ولو اه أو لأ تقول ليه؟
أنا مش بكره حاجه في حياتي الا الموضوع ده أنا حره وبجد الناس تولع يقولوا اللي هم عايزينه مادام مش بعمل حاجه غلط اللي هيهتم بكلام الناس مش هيعيش حياته اللي عايز يقول عليا حاجه يقول بجد ولا في دماغي اصلا
صحيت من النوم ملقتش الموبايل ولا الكاميرا الديجيتال ولا الكمبيوتر ورجعنا لعصر الحمام الزاجل والحصنه هتكون سعيد؟
ياريييييييييييييييييييييييت أنا بعشق العصور دي انا دايما بحب أقرأ حاجات عن الحياه العربيه القديمه منتهي الرومانسيه الحياه مع الطبيعه وسط الصحراء والتنقل بالخيل اللي أنا بعشقه بجد أهيم حبا بالكائن الجميل ده حتي الرجال بيبقي شكلهم رجولي أكثر وهم راكبين الخيل بجد الحياه دي رائعه مليانه خيال وشعر و رومانسيه
حتي الحروب كانت البطولات زمان فيها بتظهر أكثر لما كانت بالخيول وكان بيبقي فيه مبارزه ققبل المعركه بجد شجاعه وبطوله من الجانبين حياه رائعه
السعاده هي؟
حد يقوللي لأن أنا نسيت الاحساس ده من زمن أنا مش عارفه أبقي سعيده أنا عندي أحلام وللأسف مش عارفه أحققها فده مخليني فاقده الاحساس بالسعاده بس الي حدما أجمل حاجه في الدنيا دي الجهاد في سبيل الله بكل الطرق خدمة الاسلام دي هي الحاجه الوحيده اللي بتسعدني بجد وفي نفس الوقت بتبقي أكثر أسباب تعاستي لأني مش عارفه أوصل للي أنا عايزاه أدعوا لي
عندك أمل ايه أسبابه؟
مش عارفه ولو هيبقي عندي يبقي السبب الثقه في الله طبعا وأني لو احتجت حاجه هقوم أصلي ولا أدعي أو أقرأ قران فأحس ان ربنا جنبي فأحس بأمل
لما بتحب تهرب من كل شئ بتروح فين؟
كلما اذداد الواقع قسوه اذددت أنا هروبا في خيالي وأحلامي حتي أصبحت في أحيان كثيره منفصله عن كل حاجه الا تفكيري في ديني
امتي أول مره اخدت فيها نفس طويل وقلت ياااااااااااه أنا كبرت؟
شكلي كبير وعقلي في مواقف كتيره كبير وناضج ولكن روحي بالفعل صغيره ودايما بحس أني مازلت طفله يعني مثلا مش عايزه أتعلم طبخ عشان شايفه نفسي صغيره ولسه بدري علي حاجه زي دي ده فضلا عن كراهيتي للمطبخ وفي أوقات كتيره ماما بتقولي فيها أنا مش مصدقه أنك عندك 20سنه ولما بفكر اني عايزه أتجوز بيبقي بسبب الرومانسيه اللي أنا فيها وأني بالفعل مؤمنه بفكرة اني أقابل فتي أحلامي اللي باذن الله مش هتنازل عنه لأقبل بأي حد لمجرد ان ممكن حد يشوف اني كبرت
بتشرب سجاير؟وايه شعورك لما تشوف ست أو راجل بيشرب سجاير؟ليه؟
ولا بطيق ريحتها مع ان كان في أوقات بتعدي عليا كان نفسي أجربها وفي مره واحده أيام الجاهليه بتاعتي جربت وشربت شيشه عشان كنت هموت وأجرب وفضلت أكح وكانت حالتي زفت بس الحمدلله ربنا هداني بعدها عشان كده بدعي لأي حد بالهدايه لما بشوفه بيشرب سجاير
بتعرف ايدك اليمين من الشمال ازاي؟
!!!!!!!!!!!!!!!!!!!!!!!!
ايه اكتر اله موسيقيه بتحبها؟
م كمان , عود و
الذوق والنخوه انعدموا؟
ساعات بحس بان الذوق اتعدم وساعات لأ بس بجد اللي بحس انه اتعدم الغيره والرجوله والنخوه بجد انا مش عارفه ايه اللي حصل
ايه الحاجه اللي لو حصلت هتبقي سعيد قوي؟
أحقق حلمي بجد هطير من الفرحه
وأني أقابل فتي أحلامي بطريقه رومانسيه وخياليه ومش متوقعه
تحب يبقي عندك أرض زراعيه ولا أجنس عربيات ولا كام عماره ولا فلوس في البنك؟
الفلوس عشان أسافر بره ده من أكثر الحاجات اللي بحلم بيها
اجنس العربيات عشان بعشق العربيات وبالذات لو سبور تبقي قشطه
البحر ولا النيل؟
البحر طبعا مفيش حاجه رومانسيه ومتوحشه في نفس الوقت قد البحر انا النيل هائ ورتيب
مركب ولا طياره؟
طبعا مركب مع اني بخاف من البحر بس بحبه
مجنون ولا عاقل؟
مجنون ساعات بيبقي فيه جنون حلو
تقرأ كتاب ولا تتفرج علي فيلم؟
بعشق القراءه بس فيه بعض الافلام تحفه مثلا زي أساطير الخريف بموت في الفيلم ده
تمرر التاج لمين؟
مروه حلم الحريه,شيماء شقاوة شعب,حزين, انكسارات, اليعقوبي, عصفور المدينه, دعوة الفردوس, أبوزياد الفاتح, أسماء ياسر, أسماء همسة قلم ,بنات أفكاري ,طال الليل, مهند ,أبو مفراح , طارق قاسم , الجيزاوي , محمود شوية أفكار , محمد عبد الجليل
كل أصحابي اللي بيزوروا المدونه عشان كده أنا نسيت ناس أنا أسفه
تاج عبد الرحمن مش لاقياه عنده لأنه كان قبل رمضان كنت هموت وأرد عليه يبقي ليا تاج تاني عندك يا عبد الرحمن
Posts
20 comments:
إجابات جميلة ، لكنها تنم عن حزن
--
في نظري إن السعادة هي الرضا : الرضا بقضاء الله في أحوالنا التي قد لا تسمح لنا بتحقيق أحلامنا - شرط ألا نركن إلى تخاذلنا - ، والرضا عن قربنا من الله ، والرضا عن الله
--
لكن الجيش الإسلامي لا تعوزه الفلوس ، بل تعوزه الرجال للأسف
بس مش غريبة إن حضرتك ايفه أكتر إعلامي محترم هو الذراع الأيمن للجاهلي الأجهل الرئيس الزعيم اقائد الضرورة عبد الناصر
..
السلام عليكم يا اميرة
كالعادة
انا تحت الليل ولا احد على ما يبدو في الوجود غيري
ولا احد داخلي غير كوكتيل افكار ومشاعر مزركشة داكنة يعلوها مرفرفا حنيني الى بلد العجايب
فردوسي المفقود
تحسست اي ونس يقطع معي الطريق الى شاطىء الليل البارد فكان ان قرات تدوينتك الجديدة
اسلوبك يمضي بقوة وعذوبة صوب النضج بمعدل مثير للتقدير ومشاعرك لا يجبرها طول التقلب والاحتدام على فقد طزاجتها كما انه لا تتخلى عن عفويتها العذبة وشقاوتها الطفولية اللطيفة
وهما امران يمنحان كلامك حيوية ورونقا متميزين
المعيار الذي اخترته للحاكم العادل فعلا رائع لان صدق التمسك بالقيم الكبيرة لا تدب فيه الحياة ويتحول الى كائن حي الا بالبذل
لكني اقترح عليك ان تقومي بمراجعة واعادة حساب بشان رايك في هيكل
ارى ان هيكل ليس اكثر من شاهد زور انيق ودجال محترف وشيطان اخرس بجدارة
اما بخصوص اعتبارك للطب انه افضل الوسائل لخدمة الاسلام فرايي ان أي مجال مهما كان بسيطا هو مجال مناسب لخدمة الاسلام شرط ان يقدره الانسان ويحترمه ويبدع فيه ويمارسه بقدرة مستمرة على الدهشة ولو افترضنا اننا امة من الاصحاء فارغي العقول نائمي الهمم خائري العزائم ماذا تجدي لنا الصحة نفعا؟
واؤيدك بشان كلام الناس فلا عاقل يتوقف عنده في قليل او كثير
واحلم مثلك من زمان ان استيقظ فلا اجدني في زمن التكنولوبيا هذا الذي يجردنا من الدفء والحميمية والمشاعر البكر العارمة الفياضة حيث كما قلت الرجال رجال والبطولة بطولة والاشياء الوانها واضحة محددة
اما السعادة فهى بظني تكمن في التجرد ثم التجرد ثم التجرد وهو لا ينتج الا بمراقبة النية واخلاصها لله عز وجل
كما اننى ابايعك مدى الحياة على عشق البحر ..البحر ثم البحر ثم البحر ..يعيش البحر ويسقط يسقط البشر والحجر والشجر والمدن والتقدم ..البحر هو الابجدية الاولى التى تكلمها عمر الانسان على الارض وهو المادة الخام الاصلية للاحلام ومنجم الصفاء والبصيرة ..سجادة بلورية لا نهائية من النصاعة والرقة ..البحر هو اللون الاساسي الاول من الوان البهجة .وهو الراوي الاول والاصدق لقصة البني ادم في ارض الله والحكيم الاكثر جلالا ومهابة ونزقا ومرحا ونزوة في الوقت نفسه..عندما كنت اعيش بحضرة البحر كنت شفافا رائقا مطلعا على اسرار بلا حد لكن ما ان جئت القاهرة حتى انتكس الوجود وانتفش القلق وعربدت الفوضى في عالمي ..
انا كنت لسه صاحي من النوم حزين وحيران بسبب حلم شفته فكرني باحلام بتحاول الدنيا تنزعها منى لكن تدوينتك فوقتني
اسف طولت
بوركت
تحياتي
واطيب امنياتي
طارق
جميل الحديث فى صلب الموضوع
دون لف و دوران
استاذ هيكل كتله من الفكر المنظم المرتب
اشعر كانك وضعتى الاسئلة على الحائط ةتجاوبى عليها بالرصاص
السلام عليكم اجابات حضرتيك واضحه بس انا بكره هيكل ده جدا لانه كذاب ومخادع ومن الناس الذين ضلعوا في تعذيب اخونا ايام الطاغيه جمال عبد الناصر
ويارب يارب يارب يتحقق حلمك وتكونين في منظمه الاغاثه وتقدري تساعدي اخونا في تلك البلاد ودي اجمل حاجه عجبتني في التاج ربنا ييسر لكي امرك
وجزاكم الله خير
السلام عليكم
عجبتني ردودك
وفي مسرحية عن موضوع العز ابن عبد السلام
لما باع المماليك
وطالب ان فلوسهم ترجع للشعب
تحياتي
السلام عليكم
هههههههههههههههههه
اجابات تضحك في غالبها
سامحيني يااستاذة
اول حاجة السلطان اللي كان ايام العز بن عبد السلام كان نجم الدين ايوب
وهذا الرجل كان له فضل كبير وكان عادلا في اغلب فتراات حياته الي ان مات ايام الحملة الفرنسية علي المنصورة
انا استشفيت حاجة مش عارف صح ولا غلط بس حاسس ان حضرتك لسه دخلة الاخوان جديد يعني مجرد احساس وواضح من اجابات حضرتك
تالت حاجة جامدة اوي حكاية افغانستان والشيشان وفلسطين
ان شاء الله تجدي فتي احلامك في احد هذه البلاد في احد كهوف تورا بورا في معمعة الجهاد
بهزر
من اجمل الاماني الجهاد في سبيل الله عز وجل بس العميلة محتاجة شوية صبر وعزيمة الا ان ياتي الله بامره
وربنا يعينك يااستاذة وشدي حيلك في كلية الطب دي
ونولك الله ماتريدين
والسلام
بت
بصي عيب كده احنا مش على الماسنجر ولا الموبايل
بس بجد
هتجينييييييييييييني
في كام اجابه كوبي كده من اجاباتي
ايه يابنتي ده
ساعات بحس ان انا
وساعات بحس انه حد غيري خالص
بس بجد
اقسم بربي مش ببالغ لما اقولك انك قريبه من نفسي جداااااااااااااااا
ان شاء الله في الاجازة هنزل اليكس مخصوص اشوف الجمر اللي شبه شخصيتي اوي دي
طبعا هنقعد في مكان مغلق علشان نرفع اللثام ياعسل
أنا إتفصلت م الجامعة يا جدعاااااااااااااااااااااااان
الحقووووووووووووووووووووووووني
اخ خبب
بالفعل السعاده في الرضا ولكن عند التقصير في الدين بالتكيد لن تكون سعيد
اخي بلال
باذن الله هشرح رايي في الاستاذ هيكل في تدوينه لوحده
اخي طارق
والله لم اكن اقصد ان اقلل من قيمة اي مجال اخر وانما كنت اقصد ان الطب هيسهللي خدمة الاسلام بالشكل اللي بفكر فيه وليس معني هذا ان باقي المجالات لاتصلح
تعليقك كالعاده ادبي رائع لدرجه تعجزني عن الرد
اخي الطائر الحزين ربنا يكرمك يسعدني ان اجاباتي اعجبت حضرتك
اخي الفاتح الجعفري
باذن الله هقول رايي في هيكل في تدوينه خاصه
اخي مهند
ربنا يكرمك باذن الله هقرا المسرحيه
اخي الفاتح اليعقوبي
تعليقات ساخره كالعاده
الحمدلله ان اجاباتي ضحكتك
بس
دعوتي حبيبة قلبي
وحشااااااااااااااااني جداااااااااااااااا
يريت بجد تجي عشان هموت واشوفك
قليل من الصرحه لا يضر
اخي ياسر
بجد اللي حصل ده
انا هسأل مروه لمعرفة التفاصيل
ربنا معاك
يبقي بلا منازع العبقري الاستاذ هيكل
أحييكى على هذه الإجابة
مجاهدة مع المجاهدين فى أفغانستان ؟؟؟؟؟؟؟
إسترها علينا يارب
وبعدين جديدة حكاية إنك ماحضرتيش فرح إسلامى لسه
ع العموم يا ستى تعيشى و تحضرى
أما عن موضوع فتى الأحلام
فربنا يرزقك به
حته على جنب
معظم إجاباتك تنم عن شخصية
عصبية ممكن ...إنفعالية ..حاجة زى كده
مش عارف
و لى عودة
كالعادة اجابات رقيقة تليق بشخصية مهذبة ورقيقة ...
عندي تعليقين صغيرين خاااالص .
1- العصر اللي كان موجود فيه العز بن عبد السلام هو عصر الملك الصالح نجم الدين أيوب ؛ وكان رجلا صالحا بحق - نحسبه كذلك والله حسيبه - وكان أيام غزو التتار للأمة الاسلامية ؛ لكن أهم مايميزه كونه كان يقدر العلم والعلماء وكان يستمع لرأي الامام العز بن عبد السلام في كل صغيرة وكبيرة ؛ حتى عندما أراد أن يفرض ضرائب جديدة على الشعب لكي يجهز الجيش ..استشار العز بن عبد السلام فأجابه انه لايجوز ان يفرض ضرائب على الشعب الا بعد أن يبيع كل أمير من أمراء المماليك مايملكه ؛
وكان أول من استجاب هو الملك الصالح ؛ وجهز الجيش بأكمله بمال أمراء المماليك .....
قال تعليق صغير قال ؟!!!! والله الكلام هو اللى خدني .
2- التعليق الصغير بجد ؛ بما انك مش حضرتي فرح اسلامي ؛ فأنا بدعوك لحضور فرحي ان شاء الله الجمعة القادمة 30 - 11 بنادي الصيادلة بالمنصورة ؛ هتنورينا بجد ياقمر .....
جميله تلك الاسئله وجميله ايضا ردودك يا دكتوره بس موضوع الشيشان و افغانستان ده فيه شويه كلام
كلنا طبعا نحب ان نكون على خط النار و لكن الا تعتقدين معى بان على اول شارعنا هناك خط نار و حرب ضروس يجب ان نعمل فى مواجهتها
تحياتى اليك
ابو مفراح
انا اسف
مش بعرف اعلق على تاجات لأنى بحس بارهاق شديد جدا فى التعليق على التاجات
يبقى ليكى عندى تعليق
اشكرك على تمرير التاج ليا
وكمان ليك عندى تاج بس قدام شويه
انتظر تعليقاتك عندى
اهئ اهئ
ماقصة التاجات
انها تحاصر همسة قلم
ان شاء الله نرد عليه قريبا ياأميرة :)
لكِ كل التحية ياحبيبة
حلوة اجابتك يا ميرة
وحلو موضوع الهروب فى الخيال ده
بس عايزة اقولك على حاجة
هيكل رجل سياسة اكتر منه رجل اعلام
وجزاكى الله خيرا يا قمر على التاج
تحياتى
شيماء
بصرحة
وبكل وضوح
وبلا خجل
تاج في الجوووووووووون
فإجابات حضرتك بالفع نموذجية
بارك الله في حضرتك
________________________________
ولي عتاب حضرتك مقاطعة المدونة ولا ايه
حضرتك بقالك كتير ممتمتش الزيارة لمدونة ميخا
ولكي جزيل الشكر والتقدير
اخي بن حجر
كما قلت بالفعل عبقري
اخي الجمعاوي الروش
لم احضر فرح اسلامي لاني عندما التزمت لم يكن لي اصدقاء ملتزمين حتي تعرفت علي الاخوات
انا لست عصبيه وانما ممكن عاطفيه وانفعاليه في مواقف معينه
مستنيه عودة حضرتك
اصرار امل
ربنا يكرمك يا حبي
اللهم بارك لكما وبارك عليكما وجمع بينكما علي خير
اخي ابو مفراح
صدقني انا مؤمنه ان الجهاد هنا زي هناك بس انا عايزه ابقي في كل الاماكن
اخي حزين
منتظره ردك علي التاج
حبيبتي اسماء
ربنا يفك حصارك
كنت مستنيه تعليق علي اكثر ما لفت انتباهك
العسل شيمو
رلنا يكرمك مستنيه ردك علي التاج
اخي الجمعاوي الاصيل
يشرفني زيارة مدونتك ولكن قلة الوقت تمنع
باذن الله ستري تعليقي قريبا
كيفك اختنا أميرة
اعجيني شيئين في إجاباتك الأول هو الصراحة الواضحة و الثاني هو تأكيدك على مفهوم الرجولة أكثر من مرة في كلماتك فلنحمد الله أن هناك من الفتيات من يبحثن عن الرجولة حقا ..
اتفق معك في فيلم اساطير الخريف لأنه بالفعل كان أكثر من رائع و للأسف لم أستطع العثور عليه حتى الأن...
سأجاوب عن التاج في الأيام القادمة
تحياتي
Post a Comment