انا ليه غيرت اسم المدونه؟
يمكن علشان الاسم ده اقرب لقلبي.لما جيت اعمل المدونه قلت لاخويا انى عايزه اسم مبتكر وجديد فقالي علي الاسم القديم اللي هو لو يقطر غير دماء زرقاء وكان ده اسم قصيده ليه علي الشعب المصري باذن الله هنشرها بعد كده
ولكن
حسيت اني بتفزلك ثم ان الاسم غير قريب من قلبى.
وكان الاسم الجديد قريب منى اكتر لاني اصلا كنت بحب الفيلم اللي بيحمل الاسم ده جدا.
ثم ان انا بحب الخريف جدا وبحس انه فصل حزين وشفاف علي راي احمد خالد توفيق وده قريب مني قوي.
انا بعتقد ان المفروض ان لما انسان يختار حاجه يتبع قلبه فيها وده اللي انا عملته.
انا حطيت صورة اسامه بن لادن وقد يختلف كثيرون معي في هذا وانا هكتب علي الموضوع ده بس مش دلوقتى
بس
انا مشيت ورا احساسي وعملت حاجه انا بحبها يعنى سمعت صوت قلبي وانا بحب الشيخ اسامه جدا لذلك لن اتنازل عن نشر صورته.
قد يكره البعض الشيخ اسامه وقد يحبه البعض ولكن بالتاكيد لايمكن لاحد ان يتجاهله
لانه اسطوره
فانا بعتبره اسطوره من اساطير خريفي
Thursday, August 30, 2007
انا ليه؟
Subscribe to:
Post Comments (Atom)
Posts
18 comments:
السلام عليكم
ان شاء الله الاسم الجديد حلو برضه والقديم حلو
بس اللي يريحك لازم تعمليه
انا بحب كل الفصول علي فكره
كل فصل بيعني ليا شئ معين ومعني معين
وكلهم فعلا ليهم فوائد كثيره وجمال خاص
بالنسبه لاسامه بن لادن
انا لا اعرفه شخصيا
ولذلك لا احكم عليه
وبعدين كل واحد يحط اللي هو عايزه
مش احسن من اللي بيوضعوا صور اباحية
اهو علي الاقل اسامه فكر وطريقه مش خلاعه واباحة
كوني انتي
لن يفيدك الاخرين في شئ
تحياتي
مؤكد المدونة لك ولك مطلق الحرية فى تسميتها والكلام فيها عمن تريدين
أسامة بن لادن إن صح ما وصلنى عنه من أخبار فهو رجل بيتحق التقدير والإحترام
لست أعرف المجاهدين إلا أنهم حملة راية الإسلام وهم عندى الرجال بحق
الجهاد ذروة سنام الإسلام وأهله جند الله
اللهم أنصر المجاهدين فى سبيلك وأقم للحق فى الأرض دولة وأجعلنى من جندك فيها
ششكرا أختى الكريمة أميرة وتقبلى مرورى
اخي مهند شكرا علي المرور بالفعل كما قلت كونى انت وهذا ما افعله.
اخي طال الليل ربنا يكرمك ويجعلك من المجاهدين وكل ما وصلك عن اسامه بن لادن اكيد صحيح .ربنا يحميه وينصره وشكرا لمرورك
بما ان الخريف يعنى عندك الحزن والشفافيه
فبكل حزن وشفافيه
اخشى اننا فى زمن تتساقط فيه الاساطير كما تتساقط الاوراق فى فصل الخريف
انما هو الاسم القديم كان ايه؟
وبخصوص صورة اسامة من حقك تعجبى باى شخصية على قيد الحياة
وانما التقدير الحقيقى لاى شخصيه لا يكون إلا بعد وفاته
حيث تظهر حقائق جديده ..كما ان سيرته تكون كامله دون حصول تغيير فى اخر العمر ..يعنى فيه اللى بيختم حياته بانحياز لجهة معينة او الخضوع او الاستسلام
فكرتينى بعضو الاخوان السابق فى دائرتنا بعد نجاحه فى الانتخابات البرلمانية اكتشفنا انه قد وقع قبل انتخابات الاعاده على انضمام للحزب الوطنى ..رغم اننا جاهدنا من اجل التصويت له رغم الحصار والمضايقات الامنيه وها هو الان يحيا بعد سقوطه فى اخر انتخابات تتناوله الاعين بنظرات الخسه والدناءة
هو انا خرجت بره الموضوع ولا حاجه
طب كفايه كده
وربنا يوفقك ان شاء الله
بارك الله فيك
ونصر بك الدين
ومن ترك القصور وعاش عيشة الليث في الغابة لا يظن به إلا كل خير إن شاء الله
وأسأل الله أن يختم له بخير ويقيم حجته على عباده به
اخي الباحث عن الحقيقه ليست كل الاساطير تتساقط والا لما كان هناك شئ اسمه اسطوره.وكما تقول التقدير ياتي بعد الوفاه ولكن هناك حديث للرسول عليه الصلاة والسلام فيما معناه انه اذا احب الله عبدا نادي ياجبريل اني احبه فينادي جبريل في السماء الدنيا ان الله يحبه فيحبه الناس ويوضع له القبول في الارض فليس بالضروره ان يموت الانسان ليحبه الناس ومع ذلك انت شفت حد مضطهد ومحارب زي اسامه بن لادن ؟انت شفت حد بيشوهوا في سيرته كل دقيقه زيه؟ لذلك هو اسطورتي لان كل كلاب الارض متجمعه عليه ولكن ربنا بينجيه.اما بخصوص عضو الاخوان ده فدي اول مره اسمع فيها الكلام ده واظن انه لو كان حصل ماكانتش الحكومه هتسكت دول اكيد كانوا هيفضحوا الموضوع ويضخموه لينالوا من الجماعه.ثم اني لا اتخيل واحد اخوانى بيتبهدل وبيدخل المعتقل ممكن يتنازل بالسهوله دي.ولو ده كان حصل فالتمس لاخيك عذرا فلو لم تجد قل لعل له عذر وده افضل من ان تشيعه بنظرات الاحتقار.
استاذ عصفور المدينه قمة الشرف ليا ان حضرتك تشرف مدونتى بالزياره.وطبيعي رد متوقع من استاذومعلم مثلك ربنا يعزك
لفت نظرى قولك عن عضو الاخوان
ولو كان ده حصل
ايوه حصل فى الانتخابات قبل الماضية ولا داعى لذكر اسمه
ونظرات الدناءه التى ينظر له بها هى عقاب له على خيانته لارادة ناخبيه
وكذلك جماعته التى كان هو ابرز اعضائها فى الاقليم
وقد نجح باصواتنا لا بارادة الحزب
ولو كان فى انضمامه للحزب مناورة سياسيه ظهرت لنا فيما بعد لوجدنا له العذر..وكفايه حديث عنه حتى لا نتحول من ذكر تحليل سياسى الى اغتياب
بالنسبه للشيخ اسامه بن لادن
لو ثبت تورطه فى قتل المدنيين فى برجى التجارة وتورطه فى حادث السفاره المصرية فى باكستان او تورطه فى احداث القتل والتخريب فى جزء من الاراضى الباكستانية
واحده من هؤلاء لا تجعله مجاهدا عظيما وان سكن الكهوف بل قاتلا مريضا
وايضا هذا ليس حكما عليه وانما وجهة نظر
فلا ارى عذر لقتل مدنى غير مسلم ولا عذر فى إسالة دماء المسلمين فى غير الحد أو البغى (وان بغت احداهما على الاخرى فقاتلوا التى تبغى ...) صدق الله العظيم
اخي الباحث عن الحقيقه قولتلك انا ماعرفش حاجه عن العضو ده فمش هقدر اناقشك فيه ولكن اذا كان ربنا ستره فلا تفضحه انت.
اذا كنت سمحت لنفسك ان تنظر لاحد باحتقار لانه خان في الانتخابات فلماذا تلوم الشيخ اسامه انه انتقم للمسلمين اللي بيموتوا في كل مكان.لو كان قاتل مريض مجنون كان فجر في سويسرا ولا السويد.اشمعني امريكا .ايه السبب اللي يخليه يعمل كده.لان الامريكان كلهم متورطين في اللى بيحصل لنا فلوس دافعي الضرائب هي اللي بتمول حروب امريكا واسرائيل.امريكا فيها ديمقراطيه معني كده ان الشعب هو اللي بيختار وسبحان الله من ساعة الشعب البرئ ده متعمل علي جثث الهنود الحمر وهما عمرهم مااختاروا رئيس محترم.تاريخهم كله مذابح من الهنود الحمر لهيروشيماوناجازاكيلفيتنام لفلسطين للعراق لافغانستان ماشاء الله مش عاتقين.وبعد كده يبقي شعب برئ.الرؤساء دول من الشعب وباختيار الشعب ولما كلهم ليهم نفس النظره والعنصريه والوحشيه- وطبعا ماتنساش كانوا بيعملوا ايه في الزنوج- يبقي في خلل في المجتمع ده.احنا بناخد حقنا.وزى مااهلنا في كل مكان بيعانوا هما كمان لازم يعانوا يمكن يحسوا شويه.اما بخصوص اي عمليه في اي دوله عربيه او اسلاميه فانا ارفضها تماما ومش علشان دول اهلي ولكن علشان هم لا يملكون اي شئ من امرهم وربنا مبتليهم بحكام مطلعين عينهم.وانا ادعو الله ان يغفرله ان اخطا بس برضه مش هشمت فيه واشتم فيه.علي الاقل هو اجتهد واخطا في العمل ده فله اجر وباذن الله كل اللي ماتوا في العمليه دي شهداء ولكن برضه انا مش ببرر اي عمليه في اي دوله اسلاميه.وانا هتكلم باذن الله علي الموضوع ده في تدوينات قادمه ارجو ان تتابعها.اختلاف الراي لايفسد للود قضيه بس ياريت مايبقاش فيه تجريح وشتيمه
لما اتكلم عن عضو واقول انه كان فى حزب وراح لحزب تانى بدون اى مبرر وبكده يكون خان ثقة ناخبيه والحزب او الجماعه اللى بينتمى إليها
فهذا ليس كشفا لستر الله عليه
لان دى حاجه ظاهره مش ستوره
انا واحد من الناس اللى نزلت مخصوص من الجامعه لدائرتى علشان انتخب فلان الاخوانى
لما افاجأ بعد كده انه انضم للحزب بعد نجاحه فى دخول مرحلة الاعاده
وبعد فوزه فى الانتخابات مباشره يطلع امين الحزب الوطنى ماسك فى ايده الاستمارة اللى وقع عليها العضو بانضمامه للحزب الوطنى ..لى حق انى اشعر ان الرجل ده خانى
ولا ايه رأى حضرتك؟
وانتظرنا خمس سنين نشوف يمكن دى مناوره لكن ما عملش حاجه
والستر الحقيقى انى لا اتكلم عن افعاله التى ظهرت بعد ذلك
بخصوص الشيخ اسامه
هاتيلى عذر شرعى وانا اعذره
انا ليس بينى وبينه شئ ولا عداوه ولا اختلاف على ميراث
القول ان الشعب الامريكى شعب مجرم طوال تاريخه ..اظن محدش يحكم على شعب كامل بحكم عام كده
واذا كان على الضرائب فانا واثق ومتأكد انه مفيش شعب فى الدنيا بيدفع الضرائب بارادته ..كله بيدفعها غصب عنه..فيه حد بيحب يدفع ضرايب
اللى انهى الحرب فى فيتنام هو الشعب الامريكى اللى عمل تظاهرات استمرت اشهر وربما سنوات حتى انتهت الحرب
ومتنسيش المظاهرات اللى حصلت فى امريكا ضد حرب العراق
اختى الفاضله اميره انا عارف انه من الخطوره انى اناقش واحد بيحب شخصية بدرجه كبيره واخليه يغير وجهة نظره
مش بعيد تكرهينى انا
انما ده لا يمنعنى عن قول كلمة حق
القتل دون عذر او مبرر حقيقى وشرعى ومعتبر ده نسميه رجل مريض بالقتل زى الانسان السادى المريض بالساديه
كلمة لله ..مفيش حاجه اسمها اجتهد فأخطأ فى اراقة الدماء
فالشبهه وان كانت ضعيفه إلا انه تحول دون الدماء
ولا تنسى وصية ابى بكر الصديق لجيش اسامه حين ارسله لقتال الروم ..لا تقتل شيخا ولا طفلا ولا إمرأه ولا تقتلع شجره
ولكن فرق بين اسامه واسامه
لعل السبب هو فاة الصديق ابى بكر
ولحرصى على الود رغم اختلاف وجهات النظر أعيد على مسامعك ما ذكرتينا به من القول : الاختلاف فى الرأى لا يفسد للود قضيه
خالص التحيات والامنيات الطيبه
وان شاء الله اتابع مدونتك وموضوعاتك
خاصة انى فى انتظار ولو مقتطفات من قصيدة اخو حضرتك
والسلام عليكم ورحمة الله وبركاته
كنت سأعلق أيضا على ولعك الظاهر بأسامة ...
ولعل الرجل يكون على قدر الأمانى ....
الاسم الجديد يذكرنى بحبى للخريف الذى أفتقده كثيرا ؛
وكتاباتك التى أنتظرها ..
بارك الله لك ..........
سيبك مننا إحنا سا اختى
أهم حاجة يكون الاسم مريحك إنتى
إنتى صاحبة المدونة
مش حد تانى
اخي الباحث عن الحقيقه من المستحيل ان اكره احد لاختلافه معي في الراي.يكفيني شرفا انك تزور مدونتى .مين قالك اني لااحب اختلاف الراي لانه لولا اختلاف الراي لما كانت هناك افكار ونظرات اوسع للحياه.ورايي في الموضوع ده باذن الله هعلن عنه في تدوينات اخري.
امل ربنا يكرمك انت كمان بتحبي الخريف.انا بعتبره افضل فصول السنه.
ياعم جمعاوي اكيد الاسم اللي هاحبه هاكتبه بس اكيد حق اللي بيزوروني عليا اني اشرح لهم انا ليه غيرت.تحياتي
كلام جميل اويالاسم الجديد حلو
و القديم برضه كان حلو
بس اللي انتي عاوزاه هو اللي يمشي
بالنسبة لأسامة بن لادن :)
طبعا رأيك على عيننا و على راسنا
لكن أنا رأيي مختلف عنك كثيرا
كثيرا كثيرا يعني
عموما لك تحياتي
وسلامو عليكم
طبعا الانسان عموما في الحياه لازم يختار الحاجة اللي بيحبها
بس ليه شبهتي نفسك بالخريف وقلتي ان الخريف حزين
ليه الحزن؟؟؟
ربنا يسعدك دايما
استاذة اميرة
يقول سيدنا عبد الله بن مسعود
لاتقتدي بالاحياء فهم اقرب للفتنة واقتدوا بالاموات
لما بس نيجي نبص لكلمة زي دي
القصد هنا هو تجنب الاتباع التام للاحياء الذي يعمينا عن عيوبهم من كثرة حبنا لهم
اما الاموات فقد نقدوا ووضحت عيوبهم ومزاياهم فناخذ المزايا ونتجنب عيوبهم
اعتقد ده مقصد استاذ باحث عن الحقيقة
اما بالنسبة للعضو الاخواني ده
وفيها ايه كان من هم اتقي منه وسقطوا في مثل هذا وانا اضرب مثلا دائما بابليس فمن يامن الفتن علي نفسه سقط فيها وكلنا بشر نخطئ ونصيب ولسنا معصومين
فاللهم ثبتنا علي طريقك طريق الحق
فاللهم ارنا الحق حقا وارزقنا اتباعه وارنا الباطل باطل وارزقنا اجتنابه
والسلام اختنا الفاضلة
تهانينا على الاسم الجديد
ومستنين الشعر اللى بتقولى من زمان عليه
وبالتوفيق يا جميل
السلام عليكم المدونة جميلة....ولكن لي عتاب عليك يا اختي في الله
اسامه بن لادن يشوبه شائبات كثير وتفجيراته لم يسلم منها المسلمين في الوطن والعربي ومصر
أنا عن نفسي كنت حاطط صورته عندي المنزل في احداث حزيران والشهيد محمد عطا رحمه الله
ولكن بعد احداث المغرب وسورياومصر وموت الابرياء في العراق علي ايدي ملشيات القاعدة يجب ان نعيد النظر في شخصية اسامة بن لادن
والسلام عليكم ونسائلكم الدعاء
تحياتي لكل من شرفني بالزياره.اخي مصراوي الحزن في بعض الاوقات مطلوب وفي فرق بين الحزن والنكد ان الانسان المتشائم او النكدي يري الشر دائما في كل شئ ولا يتوقع الخير.اما الانسان الذي يكون فيه شئ من الحزن يكون جيد في اتصاله بالله حيث ان الرسول كان دائم التفكير يبدو عليه الحزن احيانا ولكنه كان اكثر الناس ابتساما.فالحزن بالنسبه لي ليس التجهم وعدم الرضا ولكنه شعور قلبي بعدم الركون للحياه وعدم الانبهار بها والانجراف في ملذاتها وهذا لايتعارض مع كوني احب الضحك والمزاح جدا.شكرا للمرور.
اخي عبد الرحمن اشكر مرورك وانا هوضح وجهة نظري باذن الله في تدوينات اخري.
اخي اليعقوبي مسالة الشيخ اسامه انا قلت اني هرد عليها باذن الله بعدين .اما موضوع العضو الاخواني فانا من طبعي اني لااتكلم في شئ لم اسمع عنه من قبل وخاصة اذا كان يتعرض لسمعة انسان او التشكيك فيه لذلك انا لم ادافع عنه ولكني لم ارغب ان اتكلم علي احد لااعرفه.ارجو الا يظن احد اني اقول ذلك لاني اخوانيه.والله هذا ليس بطبعي .
حبيبة قلبي بنت ابيها شكرا علي زيارتك المدونه نورت.
المهدي ربنا يكرمك ويعزك وشكرا علي تشريفك بالزياره.وباذن الله هوضح رايي بعدين زي ما قلت قبل كده.
Post a Comment