ده اول تاج يجيلي وده من حبيبتي اروي
اسمك ايه؟
اميره محمد
لو قلتلك عرفي نفسك هتقولي ايه؟
انسانه مصريه مسلمه عاديه جدا فيها عيوب كتير .رومانسيه جدا وخياليه قوي وده عملي مشاكل كتير ويمكن اللي عاجبني في اسامه بن لادن اني واخده الموضوع من الشكل الرومانسي او الخيالي ومش الواقعي وانا هحاول ابقي اشرح الموضوع.بس دي شخصيتي.
اسم مدونتك
انها اساطير الخريف
ايه الاسم الغريب ده؟يعني ايه؟
هو مش غريب ولاحاجه. انا بس حسيت انه اقرب لقلبي ولشخصيتي وانا اتكلمت عليه في تدوينة انا ليه
اميره محمد
لو قلتلك عرفي نفسك هتقولي ايه؟
انسانه مصريه مسلمه عاديه جدا فيها عيوب كتير .رومانسيه جدا وخياليه قوي وده عملي مشاكل كتير ويمكن اللي عاجبني في اسامه بن لادن اني واخده الموضوع من الشكل الرومانسي او الخيالي ومش الواقعي وانا هحاول ابقي اشرح الموضوع.بس دي شخصيتي.
اسم مدونتك
انها اساطير الخريف
ايه الاسم الغريب ده؟يعني ايه؟
هو مش غريب ولاحاجه. انا بس حسيت انه اقرب لقلبي ولشخصيتي وانا اتكلمت عليه في تدوينة انا ليه
طيب ما هو توجهك السياسي ولأي جهه تنتمي؟
توجهي اسلامي.مع الاخوان المسلمين
ما رايك في جماعة الاخوان المسلمين؟
والله هما ناس كويسين ولكن طبيعي ان يبقي ليهم اخطاء. اكتر حاجه بتغيظني فيهم لما بحس ان فيه تهاون في الدين لتحقيق مكاسب سياسيه بس الحمدلله مش بتحصل كتير بس ساعتها ببقي عايزه اقولهم من اسخط الله في رضا الناس سخط الله عليه واسخط عليه من ارضاهم في سخطه.وكمان ساعات بحس بتعصب بعض شباب الاخوان للجماعه تعصب اعمي يصل لحد ان يقول الحمد لله علي الاخوان ومن الافضل انه يقول الحمدلله علي الاسلام كمان بعضهم بيذكر كلام من مأثورات حسن البنا اكثر ما بيذكر عن الرسول والصحابه وده غلط لانه مهما كان حسن البنا فهو اقل من الصحابه والتابعين.نحن اهل السنه ولا نمجد الاشخاص مهما علي شانهم.ولكن في المجمل فهي جماعه تدعو للخير علشان كده بقيت معاهم.
ما رايك في انشاء رابطه تدوينيه لتجمع المدونين؟
والله حسب الرابطه وقوانينها واسلوبها واذا كان هناك فائده منهاوكيفية تنظيمها
ما رايك في اداء المدونين المصريين مقرنة بالاخريين؟
اخريين مين .بصراحه انا لحد دلوقتي مدخلتش علي مدونات اجنبيه ولكن علي العموم ادائهم رائع
ايه رايك في المدونات دي؟
انا اخوان
والله مدونه جيده وطابعها صحفي شويه .
جبهة التهييس الشعبيه
بغض النظر عن الفاظها البشعه وطبعا دي مش حاجه بسيطه.الا انها الي حدما افضل العلمانين حيث انا بتقول الحق في مسالة الاخوان ومش بتتجني عليهم زي الباقي.كما انها برضه الي حدما محايده
انسي
ربنا يكرمه ويوفقه
بنت سعد
بصراحه مادخلتهاش قبل كده بس باذن الله هبقي ادخلها
واحد بيحب مصر
زي بنت سعد
لسانها مولوتوف
بنت عسل جدا بس ماعلقتش عندها قبل كده وان شاء الله ناويه ادخل
تقولي ايه لمبارك
حبيب قلبي .بموت فيك.هتشل وهموت من كتر حبك .اختارناك اختارناك.لما بشوفك ببقي هتجن ياناس بحبه اعمل ايه.فعشان كده بتوسل اليه يتنحي عشان خلاص مش مستحمله
طيب وجمال
خليك في خديجه وروح العب بعيد يا شاطر وسيب الحاجات دي للي يفهم فيها
لو ماكنتيش مصريه كنت تحبي جنسيتك تكون ايه
بصراحه انا اؤمن بمقولة لو لم اكن مصريه لوددت ان اكون مصريه ولكن بالافتراض احب اكون شيشانيه او افغانيه
ليه؟
شيشانيه لاني بعشقهم عشق كبير جدا ناس متمسكين بدينهم قوي وعندهم حزم وقوه لايكذبون ومن كتر صفاتهم الرائعه ده جعل الشهيد خطاب يتزوج شيشانيه وبصراحه في كمان حاجه مهمه قوي وهي انهم زي القمر والبنات عندهم تعقد فكنت هبقي كده بس يلا الحمد لله المصريين اجدع ناس
اما افغانيه لان دي ارض البطوله والناس دي عملوا اللي احنا مش قادرين نعمله في حكومتنا.ثم انهم مفيش حد يقدر يفرض عليهم حاجه يعني دول قوانين الدنيا كلها تركعلهم من كتر تمسكهم بدينهم
لو انتي مكان مبارك لخصي كده هتعملي ايه؟
هقفل مارينا.انا بهزر ولو ان دى فعلا حاجه مهمه لان اللي بيحصل هناك في قمة البشاعه.ولكن عامة انا مش بحب المناصب القياديه
لاني لا اطيق اني اجي يوم القيامه وفي رقبتي 70 مليون ان لم يكن اكتر.فاللي هعمله فعلا اني سوف اوكل الامر لاهله.
لما بتسمعي خبر بيقول ان الريس مات بتحسي بايه؟
طبعا لو ده حقيقي مش اشاعات اصل البتاع ده زي القطط بسبع ارواح.ولكن لو فعلا مات هبقي عايزه اقول عند قبره يا مبارك لم ينفعك منصبك في الاخره واللي هو عمله في الناس كتير قوي يعني الحساب هيبقي عسير وربنا ممكن يغفر التقصير في حقه لكنه لن يغفر مظالم الناس وهي بالهبل.
ماذا يمثل التدوين بالنسبه لك؟
وسيله ربنا بعتهالي لينقذني من اليأس اللي كنت فيه.لاني دلوقتي علي الاقل حاسه اني بعمل حاجه حتي لو كانت بسيطه بس هو ده اللي اقدر اعمله في الوقت الحالي لاني باذن الله عايزه اعمل حاجات للدين ارجو من ربنا انه يوفقني لها.انا بحس اني لو ماشاركتش في حاجه لاعلاء الدين انا بفقد علة وجودى وبيجيلي اكتئاب ومش بقدر اندمج في الحياه وبنفصل نهائيا عن الدنيا وبتمني الموت.فالحاجه الوحيده اللي مخلياني عايزه اعيش اني عايزه اخدم الدين باي وسيله.ادعولي
تحب تقول ايه لاولاد واسر معتقلين السياسين وعلي راسهم الاخوان؟
اصبروا فان الحق معكم انتم شهادة ادانه للعالم الصامت الخائف المذعور انتم علمتموهم معني الحريه والتضحيه
ياهذا العالم يا غابه يا اعمي يا شاهد زور
يا ناصر قناص دموي القلب علي طهر العصفور
بعيون صغاري المرتابه ساشق دساتير الدنيا
بدماء من نور
عندك استعداد تتضامن معاهم؟
طبعا امال احنا لازمتنا ايه في القعده دي
اجمل بوست كتبته ولماذا؟
انا لسه بدأه تدوين ومالحقتش اكتب كتير.وعامة دايما الاجمل لسه ماتكتبش
احلي مدونه دخلتيها؟
في مدونات كتير عجبتني مقدرش احدد مدونه معينه
لو تدوينه مالهاش تعليقات بتحس بايه؟
لعادي.
ما رايك في فكرة التاج؟
جميله
وتمرري التاج ده لمين؟
كل الناس اللي بتشرفني بالزياره همرره ليهم بلا استثناء
توجهي اسلامي.مع الاخوان المسلمين
ما رايك في جماعة الاخوان المسلمين؟
والله هما ناس كويسين ولكن طبيعي ان يبقي ليهم اخطاء. اكتر حاجه بتغيظني فيهم لما بحس ان فيه تهاون في الدين لتحقيق مكاسب سياسيه بس الحمدلله مش بتحصل كتير بس ساعتها ببقي عايزه اقولهم من اسخط الله في رضا الناس سخط الله عليه واسخط عليه من ارضاهم في سخطه.وكمان ساعات بحس بتعصب بعض شباب الاخوان للجماعه تعصب اعمي يصل لحد ان يقول الحمد لله علي الاخوان ومن الافضل انه يقول الحمدلله علي الاسلام كمان بعضهم بيذكر كلام من مأثورات حسن البنا اكثر ما بيذكر عن الرسول والصحابه وده غلط لانه مهما كان حسن البنا فهو اقل من الصحابه والتابعين.نحن اهل السنه ولا نمجد الاشخاص مهما علي شانهم.ولكن في المجمل فهي جماعه تدعو للخير علشان كده بقيت معاهم.
ما رايك في انشاء رابطه تدوينيه لتجمع المدونين؟
والله حسب الرابطه وقوانينها واسلوبها واذا كان هناك فائده منهاوكيفية تنظيمها
ما رايك في اداء المدونين المصريين مقرنة بالاخريين؟
اخريين مين .بصراحه انا لحد دلوقتي مدخلتش علي مدونات اجنبيه ولكن علي العموم ادائهم رائع
ايه رايك في المدونات دي؟
انا اخوان
والله مدونه جيده وطابعها صحفي شويه .
جبهة التهييس الشعبيه
بغض النظر عن الفاظها البشعه وطبعا دي مش حاجه بسيطه.الا انها الي حدما افضل العلمانين حيث انا بتقول الحق في مسالة الاخوان ومش بتتجني عليهم زي الباقي.كما انها برضه الي حدما محايده
انسي
ربنا يكرمه ويوفقه
بنت سعد
بصراحه مادخلتهاش قبل كده بس باذن الله هبقي ادخلها
واحد بيحب مصر
زي بنت سعد
لسانها مولوتوف
بنت عسل جدا بس ماعلقتش عندها قبل كده وان شاء الله ناويه ادخل
تقولي ايه لمبارك
حبيب قلبي .بموت فيك.هتشل وهموت من كتر حبك .اختارناك اختارناك.لما بشوفك ببقي هتجن ياناس بحبه اعمل ايه.فعشان كده بتوسل اليه يتنحي عشان خلاص مش مستحمله
طيب وجمال
خليك في خديجه وروح العب بعيد يا شاطر وسيب الحاجات دي للي يفهم فيها
لو ماكنتيش مصريه كنت تحبي جنسيتك تكون ايه
بصراحه انا اؤمن بمقولة لو لم اكن مصريه لوددت ان اكون مصريه ولكن بالافتراض احب اكون شيشانيه او افغانيه
ليه؟
شيشانيه لاني بعشقهم عشق كبير جدا ناس متمسكين بدينهم قوي وعندهم حزم وقوه لايكذبون ومن كتر صفاتهم الرائعه ده جعل الشهيد خطاب يتزوج شيشانيه وبصراحه في كمان حاجه مهمه قوي وهي انهم زي القمر والبنات عندهم تعقد فكنت هبقي كده بس يلا الحمد لله المصريين اجدع ناس
اما افغانيه لان دي ارض البطوله والناس دي عملوا اللي احنا مش قادرين نعمله في حكومتنا.ثم انهم مفيش حد يقدر يفرض عليهم حاجه يعني دول قوانين الدنيا كلها تركعلهم من كتر تمسكهم بدينهم
لو انتي مكان مبارك لخصي كده هتعملي ايه؟
هقفل مارينا.انا بهزر ولو ان دى فعلا حاجه مهمه لان اللي بيحصل هناك في قمة البشاعه.ولكن عامة انا مش بحب المناصب القياديه
لاني لا اطيق اني اجي يوم القيامه وفي رقبتي 70 مليون ان لم يكن اكتر.فاللي هعمله فعلا اني سوف اوكل الامر لاهله.
لما بتسمعي خبر بيقول ان الريس مات بتحسي بايه؟
طبعا لو ده حقيقي مش اشاعات اصل البتاع ده زي القطط بسبع ارواح.ولكن لو فعلا مات هبقي عايزه اقول عند قبره يا مبارك لم ينفعك منصبك في الاخره واللي هو عمله في الناس كتير قوي يعني الحساب هيبقي عسير وربنا ممكن يغفر التقصير في حقه لكنه لن يغفر مظالم الناس وهي بالهبل.
ماذا يمثل التدوين بالنسبه لك؟
وسيله ربنا بعتهالي لينقذني من اليأس اللي كنت فيه.لاني دلوقتي علي الاقل حاسه اني بعمل حاجه حتي لو كانت بسيطه بس هو ده اللي اقدر اعمله في الوقت الحالي لاني باذن الله عايزه اعمل حاجات للدين ارجو من ربنا انه يوفقني لها.انا بحس اني لو ماشاركتش في حاجه لاعلاء الدين انا بفقد علة وجودى وبيجيلي اكتئاب ومش بقدر اندمج في الحياه وبنفصل نهائيا عن الدنيا وبتمني الموت.فالحاجه الوحيده اللي مخلياني عايزه اعيش اني عايزه اخدم الدين باي وسيله.ادعولي
تحب تقول ايه لاولاد واسر معتقلين السياسين وعلي راسهم الاخوان؟
اصبروا فان الحق معكم انتم شهادة ادانه للعالم الصامت الخائف المذعور انتم علمتموهم معني الحريه والتضحيه
ياهذا العالم يا غابه يا اعمي يا شاهد زور
يا ناصر قناص دموي القلب علي طهر العصفور
بعيون صغاري المرتابه ساشق دساتير الدنيا
بدماء من نور
عندك استعداد تتضامن معاهم؟
طبعا امال احنا لازمتنا ايه في القعده دي
اجمل بوست كتبته ولماذا؟
انا لسه بدأه تدوين ومالحقتش اكتب كتير.وعامة دايما الاجمل لسه ماتكتبش
احلي مدونه دخلتيها؟
في مدونات كتير عجبتني مقدرش احدد مدونه معينه
لو تدوينه مالهاش تعليقات بتحس بايه؟
لعادي.
ما رايك في فكرة التاج؟
جميله
وتمرري التاج ده لمين؟
كل الناس اللي بتشرفني بالزياره همرره ليهم بلا استثناء
Posts
27 comments:
مبروك الف مبروك على التاج عقبال كل تاججججججججججج
تحياتي
مبروكككككككككككككككككك الف الف مبروك
مبارك أول تاج وعقبال التاج رقم مليون اللي تكتبيه وأنتي بعمر مديد تقضيه كله وأنتي بتحققي ذاتك بخدمة دينك وما يحبطكيش العالم الصامت ..
عفوية هى إجاباتك تشع صدقا وحماسة للتدوين
بارك الله فيك ورزقك الثبات على نهج محبته ونصرة نبيه
عموما أجبت التاج عندى من ثلاثة أيام ويبقى لى عندك تاج بداله
طيب كلام جميل جدا جدا
بس مالها بس : الحمد لله على الإخوان ؟
الحمد لله أنه اختارنا لنخدم إسلامه
الحمد لله على الصحبة الصالحة
الحمد لله على طريق الدعوة إليه
الحمد لله على الجماعة المجددة
الحمد لله أنه استخدمنا ولم يستبدلنا
--
وهذا بالتأكيد لا ينفي حمد الله على نعمة الإسلام
--
وإن تعدوا نعمة الله لا تحصوها
جزيتم خيرا على الإجابات الطيبة
شكرا لك يا احلي بنوته علي المرور وياريت اشوفك علي طول
ربنا يكرمك يا اخي ماعلينا وربنا يتقبل دعائك وشكرا علي المرور
ربنا يعزك يا اخي طال الليل وربنا يتقبل دعائك وتكون انت كمان في خدمة الدين
اخي خبيب انا من الاخوان يعني لو لم يكن فيهم خير عمري ما كنت هبقي معاهم ولكن انا بتكلم في حاجه تانيه .انا بتكلم علي قله متعصبه بيعتبروا ان كونهم اخوان ده هدف وده تفكير خاطئ لان الاخوان وسيله لخدمة الدين مش هدف في حد ذاتها انا برفض تقسيم اهل السنه لسلفيين واخوان.وبرضه من السلفيين اللي بيعيبوا فينا وهم حرين وربنا يسامحهم ولكني لا اريد ان ننعزل عن الشعب بكوننا جماعه منفرده منطويه.لازم نوصل للناس ان احنا اخوان عشان خدمة الاسلام يعني الجماعه وسيله مش هدف.انا بتكلم علي التعصب ومش قصدي اني ارفض المعني الجيد من كوني اخوان.وشكرا علي المرور
والله معظم افكارك لة طابعه الذكورى قليلا بنت مثلك اعتقد ان تفكيرها لا يكون بمثل هذا ابدا
.......
ولكن هذة حريتك فافعلى ما تشائين طالما انك لم تاذى احد وانك تحبى كل الناس مسلمين ومسيحين وكل الناس
بالتوفيق دائما
ربنا يكرمك يا اخ حرية الفكر والابداع علي مرورك.طابعه الذكوري بقي كل اللي حسيته من كل كلامي ان طابعه ذكوري علي فكره انا من البنات اللي تعتز بانوثتهن جدا ولا احب التشبه بالذكور في اي شئ بخلاف بنات اخري تتشبه بهم.الكلام صادم شويه ولكن طبعا ده رايك.
انا فعلا بحب كل الناس واكره ان اؤذي احد اي كان.ِ
أكرمك الله خلينا نقولها شخصيتك قوية وده موجود ولا يختص بالذكور وليس من التشبه بالرجال
السلام عليكم
تاج جميل واجابات قاطعه
لو كنتي شيشانيه كان شباب مصر كله طلب ايدك
السلام عليكم
الأخت الكريمه
اجابات التاج دبلوماسية جداا
و ان كان لى تعليق على بعض الإجابات
بس مش وقها دلوقتى
وعموما تاج مقبول
بس اعتذر عن الرد عليه الاسبوع ده
على يوم الخميس إن شاء الله
بداية مبروك النجاح
وبعدين الاجابات حاسس فيها ببعض الغموض
رأيك فى جماعة الاحوان المسلمين ..ابهرنى للغاية ولخص وجهة نظرى الى حد كبيير
...........
المفروض الرأى ده يطبع ويوزع على افراد الجماعة
...........
لكى تحياتى
أميرة
دماغك عجباني اوي اوي
بس صحيح
فيه حاجة صغيرة عايزة اقولك عليها
معندكمش ايميل في اسكندرية و لا ايه ؟؟
طب خلاص
ابقي ابعتيلي انتي من البروفايل بتاعي
حستناكي بقى
اخي عصفور المدينه كالعاده يشرفني تعليقك ومرورك الكريم.ربنا يكرمك علي ذوقك العاليبس في فرق بين الشخصيه القويه اللي حضرتك مدحتني بيها وبين الطابع الذكوري اللي الاخ حريه قالوا عليا اي بنت تحب تبقي شخصيتها قويه-مع نفوري الشديد من السعي الي تحقيق او اثبات ذلك لاني بحب اتصرف علي طبيعتي-الا انه لا توجد بنت علي ما اعتقد تحب ان توصف بانها ذكوريه.وطبعا ده رايه وله كامل الاحترام.سلام
اخي الجمعاوي الروش مستنيه تعليقاتك بشغف كبير جدا ومستنيه ردك علي التاج.سلام
اخي الجمعاوي الاصيل يشرفني تعليقك الاول وزيارتك الاولي ارجو توضيح في اي شئ شعرت بالغموض حتي اذا كان هناك تقصير مني اصلحه.ارجو منك النصيحه.
اخي مهند طب انا مصريه اعمل ايه.علي العموم البنات المصريات دمهم خفيف وقلبهم طيبيعني مش لازم نكون شيشانيات عشان تتحل مشكلة العنوسه في مصر.سلام
اخي انكسارات انا بحب الشعر جدا وشكرا لزيارتك الجميله.
لما حد من الاخوان بينقد بيبقي عايز الجماعه في احسن حال وده اللي انا نفسي اعمله. ياريت ترسل اي اراء ليك عن الجماعه او اي سلبيات حضرتك شايفها لاتتخيل كم يهمني رايك انت وكل احد لا ينتمي للجماعه لان ارائكم مهمه جدا للتواصل معكم.ارجو مداومة الزياره
احلي عيله عايزه تفهم.المدونه نورت يا نوسه احلي اسم دلع.ياريت تيجي علي طول والايميل هكتبه
amira_3ms@yahoo.com
:D
مس أميرة
سلام عليكم
هي كلمة واحده
انتي غريبة اوي :)
و الاسلام مش الفكرة اللي عندك دي
مش عارف ليه بلاحظ من كلامك انه هو الاسلام هو اللي بيعمله اسامة بن لادن
و احسن ناس هم الشيشانيين و الافغان لأنهم بيجاهدوا
بالنسبة للتفريط
انا عاوز حادثة واحده بس الاخوان فرطوا فيها في ثوابت من الدين على اساس مهادنة او شيء سياسي
بس الله يخلليكي متقوليليش انهم مش ملتحين و بناتهم مش منقبات:)
عموما ربنا يكرمك يارب
و عقبال التاجات التانية
و سلام
:) هي مأثورات الاستاذ البنا جايبينها منين ؟
معلش علقت تاني بس الاجابة بتاعة السؤال ده بالذات مستفزاني اوي
انا بحمد ربنا على الاسلام و بحمده على الاخوان
و التعصب الاعمى مشكلة افراد مش ظاهرة في الجماعة
لا يوجد حق مطلق في التفكير البشري
و احنا مؤمنين بكده
و الاستاذ البنا ربنا يرحمه نحسبه مجدد و فاهم و عامل
الاسلام .. ليس هذا الذي نفهمه لو كان هذا هو فهمنا
بوركتِ و سلام
با شمهندس عبدالرحمن اولا انا بحب اسامه بن لادن وفخوره بيه وانا برتب بس افكاري علشان هكتب علي الموضوع ده مطولا ومش هرد عليه دلوقتي.
اما بالنسبه لاعجابي بالافغان والشيشانيين فالمفروض ابقي معجبه بمين بالمصريين اللي سايبينا نتبهدل في محاكمات عسكريه وماحدش فيهم بينطق علي الرغم من اننا بنعمل ده عشانهم ولا باللبنانيين اللي مش فالحين في شتيمة بعض علي التليفزيونات وهيبقي ده الحال لو فضلت اطلعلك في بقيت الدول العربيه.بحب الفلسطينيين والعراقيين ولكن مش بقدر الاخرين وده ميل قلبي انا حره فيه.
في موضوع التفريط بالتاكيد انا مش مختله عقليا علشان اطلع حد من الاسلام او اتهمه في دينه علشان النقاب او اللحيه مع العلم بانني منتقبه ومع العلم برضه من اني قلت افراد قصروا وليس الجماعه كلها لان لو كانوا مفرطين بالتكيد ماكنتش انضميت ليهم.
ولكن لو دخلت علي مدونات بعض الاخوه هتلاقي اللي يسمع اغاني طب الاغاني دي مش الاسلام محرمها والمصيبه كمان لما تلاقي مغنيه الاخ ده معجب بيها قوي ياسلام ماسمش ان في حاجه اسمها صوت المراه عوره وان الرسول كان لاينظر ولا يصافح النساء حتي يوم البيعه فكيف بالسماع لغنائهن ومن فضلك لا تستهن باي شئ من ده.
القيادي الاخوانى اللي كان اعلن ان فلسطين علمانيه يحكم فيها اي دين مادام بيعيشوا مع بعض في سلام وقام المرشد بعدها باعلان ان فلسطين اسلاميه وان الاسلام يكفل الحياه بسلام لكل الاديان تحت مظلته.
وحكاية الرئيس المسيحي دي كمان يعني ازاي رئيس مسيحي يحكم بشريعه اسلاميه كيف سيقبل بهذا ولاتنسي ان للرئيس صلاحياته فكيف سيجيز العمل بالشريعه الاسلاميه.
اخ عبد الرحمن بالفعل الامام حسن ياتي بكلامه من مرجعيه اسلاميه امامها الرسول ولكن هناك اقوال وماثورات عنه لم يقولها الرسول وده طبيعي كل انسان له كلام خاص به مع ثبات المرجعيه وانا برضه هنا اتكلمت علي افراد قله طول كلامهم علي حسن البنا اكتر من الرسول وانا شفتهم ولازم تعرف اني مش هتهم حد ظلم.
انا لا امانع الكلام عنهولكن ده هيفصلنا عن بقية المجتمع الاسلامي لان مش كل المسلمين في الجماعه فمعني ان حد لما ييجي ينصح واحد بدل ما يقوله قال الرسول هيقوله قال حسن البنا لا تنتظر من الاخر استجابه.
والحمد لله هم مش كتير.
اخي عبد الرحمن انا بحب الجماعه دي جدا وانا معرفش كانت ظروفك ايه قبل ماتبقي اخوان لكن انا كنت مشرده دينيا واخلاقيا وكنت تايهه ومش عارفه اعمل حاجه وصدقني كنت بتمني الموت اكتر من اي حاجه في الدنيا. يمكن وصل الامر ان افكر في الانتحار وعدت سنه في الكليه لحد مالقيتهم ومش هقولك وقفوا جنبي قد ايه وخاصة بنت منهم اللي عملته معايا لو فضلت ارده لها لحد مااموت مش هوفي.فدول ناس ربنا سببهم ليا علشان يحيونى فصدقني والله انا مش هلاقي حد يحبهم قدي ولكن انا لما بحب حد وبلاقي فيه حاجه انا حاسه انها يمكن تاثر عليه فانا مش هسكت.
يا عبد الرحمن انا بقول الكلام ده من منطلق كلام سمعته من الناس البسطاء او الناس اللي ملهاش في حاجه واللي انا كنت منهم واللي بيحسوا ان فيه فرق بينهم وبيننا.
الموضوع ده انا مش هنتهي فيه لحد كده لان انا مش من النوع اللي ينقد من غير مايحط اسباب او حلول للي بيقول عليه.
وياريت يتسع صدرك وماتتغاظش قوي لان طبيعي انك تختلف مع الناس مش في كل الاوقات هتتفق مع كل الافراد.
علي فكره ابقي ادخل في مدونة اصرار امل لانها بتتكلم علي بعض التفريط في امور الدين نتيجة الرغبه في الاندماج مع التيارات الفكريه هي لم تذكر الاخوان وانما اتكلمت كلام عام.
في كذا بنت قابلتها ماكانتش عارفه ما سبب تسمية الاخوان بهذا الاسم وكانت كل اللي هي وغيرها فاهمينه ان احنا بنتعالي عليهم بالاسلام حيث اننا الاخوان المسلمين واتقالتلي كلمه بنفس اللفظ اذا كانوا الاخوان المسلمين يبقي احنا الاخوان الكفره.
مين المسئول عنجهل قطاع كبير من الشارع بنا انا بسال السؤال ده وباذن الله هخصصله تدوينه اجمع فيها الاراء.
ربنا يكرمك يا عبد الرحمن وشكرا علي المرور
سلامو عليكم
ربنا يكرمك على ردك
الاول بالنسبة لبن لادن او غيره .. انا عمري ما هحجر على رأيك و الله مطلقا
لكن انا وجهة نظري ايه السبب .. و لو السبب ده مقنع انا مستعد اقتنع بيه :)
لكن حضرتك متكلمتيش عن سبب يخلليكي تحبي بن لادن
حتى لما أروى كتبت قالت أخوه و أبوه
و نقطة ممكن نعتبرها في صالحه و هي انه مش بيعترف بأي حاجه و انها لا تصدق الشرائط الامريكية
ده كويس
لكن انا لا اعتبر ان بن لادن كشخص هو قدوة .. يعني صوره تبقى مالية مدوناتنا :)
و اننا نفكر فيه على اساس انه قائد و ..
طبعا ربنا ينصره على أعدائنا و أعداءه .. لكن هناك وسائل , و ليس منها ابدا .. ضرب سفارة و لا هدم البرج
(قرأت ردك على موضوع البرج و هو بحاجه لتوضيح كبيير جدا )
دي نقطة
النقطة الثانية بالنسبة للافغان و الشيشان
على فكره انا بحبهم جدا
لكن مش معنى كده انهم يكونوا أولى من غيرهم
أنا بحب الشوام ( فلسطين و لبنان )زيهم
لكن في نفس الوقت لا يمكن اني انزل ما يفعله اهل الشيشان و افغانستان على واقعنا
بمعنى .. هم مش الاسلام الصح لأنهم بيحاربوا , و احنا لأننا ساكتين على المحاكمات نبقى غلط
هم دولة تحت احتلال فرض عين علينا كلنا اننا نحررها
و كذلك افغانستان و العراق و فلسطين
لكن انتي بتتكلمي عن السلفية الجهادية , سلفية اسامة بن لادن و ايمن الظواهري و ده موضوع تاني
النقطة اللي بعد كده
موضوع التفريط
انا و الله ما اقدرش اقول انك كفرتي حد او طلعتيه من الدين
لكن انا بقول في الادلة ان الاخوان متساهلين .. مش بحب اسمع فكرة النقاب و اللحية منهم
لأسباب كتيرة جدا تم الفصل فيها خلاص
-----
بالنسبة للاغاني و الموسيقى :)
انا رأيي مخالف شوية
لأن الاسلام لم يحرمها
و اختلافات كبيرة جدا على كلمة لهو الحديث
و حديث الخمر و المعازف له تأويلات كتيرة و سنده ليس بالقوة انه يحتج به
و في سيرة التابعين و خلفاء بني العباس و الاندلسيين ما يكفي لتوضيح النقطة دي
و الامام ابن حزم و غيره اتكلموا عن نقطة الغناء و المعازف
لكن انا طبعا لا أبرر موضوع الغناء الماجن او الكلمة الفاسقة او الاسلوب الموحي او الموسيقى المثيرة .. في حاجات معينة لا خلاف عليها
لكن اننا نعتبر ان اللي بيسمع اغاني ده و خصوصا انه قايل اغاني محترمة ( فيروز مثلا ) سمع لها وطني او سمع لها حب مش هتفرق لو احنا متفقين على المبدأ
اما لو اتفقنا ان صوت المرأه عورة فلو هو سمع لها قرآن فهو آثم
تمام النقطة دي ؟
تمام
بالنسبة لكلام الاستاذ البنا
انا اللي فهمته منك و الله المأثورات
و المأثورات اللي انا اعرفها اللي موجوده في رسالة المأثورات هي الأدعية المتواترة اللي الأستاذ البنا قال لنا كمسلمين و لسنا كإخوان اننا نلتزم بيها و هي جميعها أحاديث و أدعية عن النبي صلى الله عليه و سلم او الصحابة , و لو كان فيها مستحدثا فهو من الفضائل التي نتمسك بها , ورد الرابطة مثلا
و الحمد لله انك انتي كده
وو الله لا الاخوان ولا غيرهم هم السبب
انتي السبب في انك دلوقتي كده بعد ربنا طبعا
و الاخوان مجرد وسيلة , و انتي الاساس في تحقيق الهدف من الوسيلة دي
و ربنا طبعا هو اللي بييسر الأمور كلها و بيفتح قلبك لتقبل حاجه زي دي
و اللي بيتكلم عن الاستاذ البنا فهو معتقد انه بيتكلم عن ابن تيمية او ابن القيم او كده , صالح و من علماء الامة و يأخذ عن الرسول
يعني الاستاذ البنا جمع لنا فكرا و تطبيقا
و معاصر لواقعنا ده
و من فهمه للسيرة و لسنة النبي صلى الله عليه و سلم
فليه ما اخدش عنه و اقول الامام بيقول ؟
ما اقصده ان الامام لو قال حاجه مخالفة للي جه من الرسول صلى الله عليه و سلم او من ربنا في القرآن , هنا نقف و نقول لا و نعيد كلام الاستاذ البنا و نفنده , اما احنا بنستقي من فهم شخص ما للسيرة و للقرآن
بس
الكلام بتاع التفريط في الدين ده سمعناه كتير و الله
و الناس البسطاء دول منهم اللي قاللي ان عمي (الصوفي )أفضل من أبويا لأنه هو مش شاغل نفسه بحاجه ووالدي اخوان
و منهم اللي قاللي ان عمي التاني ( اللي مش بيصلي اصلا ) احسن من والدي لأنه هو عارف ازاي يمشي في الدنيا و أبويا ممكن ييجوا يمسكوه في أي وقت
و منهم اللي بيقولوا أنصار السنة هم الأصح و السلفيين هم الأصح ... لأنهم شايفينهم أعبد الناس و أكثر ناس في المساجد
ربنا يحميهم كلهم انا لا اعترض على ده , لكن الاسلام لم يعلمنا كده ,. و الاسلام لم يعلمنا ان الخطأ الفردي هو خطأ الأمة
لما أكلم أخ من اخواننا دول و يقوللي انت عشان مصليتش الفجر , اخواننا بيموتوا في فلسطين
لا يا استاذي كلامك مش صح و مش منطقي , فأنا لما بتكلم عن الاخوان انا بتكلم عن الاسلام الشامل اللي انا اعتقد انه هو الفهم الصحيح للسنة و القرآن
اما تسمية الاخوان او غيرها , والله يا مس أميرة الناس عاوزه حاجه تتكلم فيها و خلاص
ما احنا قلنا الحزب الوطني لما يقول وطني كده بينفي الوطنية عن غيره
و قلنا الضباط الاحرار بيقولوا ان الباقي عبيد
لكن ده اسم , يعبر عن المنهج و الفكرة و ليس له علاقة بغيره
يعني احنا ما قلناش اسم جماعة المسلمين
ابدا
احنا مسلمين و اللي خارجنا مسلمين ان شاء الله
معايا ؟
تمام :)
انا اسف اني طولت عليكي
بس فعلا كان لازم اوضح النقط دي كلها لنفسي قبل ما تكون ليكي
و انا شفت كلام دكتورة امل على فكره كذا مرة
و المشكلة بالنسبة لي اني مش عاوز اعلق بس هعلق
يعني انا عارف ان الدكتورة امل بتتكلم على حاجات معينة
و ان شاء الله احاول افهم منها اكتر
تاني بأكد , ان اسلامنا اشمل كتير من فكرة تدمير الآخر كله , مع ان الآخر ده منقسم لأكتر من قسم
و ان اسلامنا مش من ثوابته اننا منسمعش موسيقى و لا اغاني
و ان نهضتنا في الأندلس كان فيها نهضة في الموسيقى و الفنون كمان , و ان الخلافة العباسية في أوجها كان فيها كده و أكتر
على كل حال استمتعت فعلا بالتعليق
و ربنا يكرمك يارب
و على فكره انا لما قلت استفزيت من الرد على التاج كنت فعلا استفزيت , بس لأني اتضايقت من ان انتي ممكن مش واصلاكي الفكرة كاملة
او على الاقل اللي انا فاهمه
عموما ... يكمل بعضنا بعضا
:) وسلام
بصراحه اروى عليه كل تاج وتاج
تمام
بس بردة الرد كان تمام عندك
احمدالجيزاوى
مبروك التاج
نطمع فى مزيد الكاتابات
كنت متاكده يا عبد الرحمن ان اكيد لك حد في العائله اخوان وطلع والدك لانك منضم لهم من وانت صغير.
صدقني انا كان نفسي ابقي زيك وليا حد اخوان علشان كل الوقت اللي ضاع مني كنت اتمني فيه ان ابقي معاهم.
عبد الرحمن اذا كنت فاكر اني لا اري ما يحدث للاخوان في مصر ليس جهاد يبقي انت فهمتني غلط الجهاد انواع ومش لازم كله يبقي بالسلاح لان في كل انسان في مكانه بيدافع عن الحق يبقي بيجاهد وكل انسان بيقف امام السلطان الجائر يبقي بيجاهد وانا قلت قبل كده اني بعتبر ان التدوين نوع من انواع الجهاد علشان كده انا دخلت فيه.
ماينفعش في تعليق صغير اقول كل وجهة نظري باذن الله هفردلها مواضيع مخصصه ويشرفني انك تناقشني فيها.
انا عايزه الناس كلها تقتنع بفكر الاخوان علشان كده يهمني رايهم ويهمنى انى اوصلهم احنا مين ولن استثني منهم احد.
اما بالنسبه للموسيقي والغناء بجد لااظن لن الرسول لو كان هنا كان هيسمع ام كلثوم او فيروز وانا اقصد الاغاني العاطفيه لان فيها اثاره للمشاعروالهاء عن ذكر الله والعرب كانوا غارقانين مع ام كلثوم لحد ما جت النكسه هي ليست السبب ولكن الشعوب اللي مايبقاش في اهتمامها غير حفلات الست والكوره ومغيبين من قادتهم اللي هيرموا اسرائيل في البحر ماتستناش منهم غير ذلك.
اما اذا كانت الاغنيه وطنيه فانا شايفه انها ممكن تتسمع انا مش قصدي بصوت المراه العوره صوتها نفسه والا كان كلام المراه نفسه حرام وانما انا اقصد الترقيقوليونة الصوت بما يعني الخضوع بالقول وده طبعا في الاغاني العاطفيه لان طبيعة الاغنيه تفرض ذلك وده حرام.
اما العصر العباسي والاندلسي فالاثنين انتهوا علي كوارث نتيجة الابتعاد الفظيع عن الدين وحتي العصور المزدهره كانت فيها فتن كتير زي عصر المامون وفتنة خلق القران ولولا وجود احمد بن حنبل لكانت كارثه.
العصر العباسي الثاني تفككت الدوله الي دويليات صغيره ادت الي السقوط وده نفس اللي حصل في الاندلس.
كان قس اسباني عايز يعرف امتي المسلمين هيضعفوا علشان تقدر الجيوش الاسبانيه تنقض فارسل واحد متخفي وقاله امشي بين الناس وشوف بيتكلموا في ايه ففي البدايه وجدهم بيتناقشوا ويختلفوا في مسائل الدين فشعر القس ان مستحيل يكون فيه ضعف فظل يرسل ه مرات عديده وكل مره نفس النتيجه ثم مات القس وجاء بعده اخرون وفي كل مره نفس النتيجه الي ان جاء قس ارسل شخص فذهب الي المسلمين وجدهم هذه المره فوجد جماعه يتشاجرون علي انثي واخرين لاهم لهم الا الاغاني والباقي مغيب .فلما عرف القس بهذا قال الان سقطوا.
لا اعتقد ان الامام حسن البنا كان بيسمع اغاني لانه ماكانش فاضي كان وراه اهداف اسمي من انه يسمع اغاني.
وشكرا علي المرور وارجو دوام الزياره.
اخي احمد شكرا علي ردك.تحياتي
اخي الطائر الحزين شرفتني زيارتك الاولي واسعدني تعليقك الاول وارجو الدوام
انا حضيفك عندي في اللينك ليست علشان مدونتك ذي السكر يا سكر
و حجيلك و ادخلك و كمان اعلقلك
تاج جامد يااستاذة
وردوك بعضها يضحك
بمناسبة الاخوات الشيشانيات
اخ راح لمسئوله بيقوله في اخت من الشيشيان وصلت مصر وان شاء الله هتزوجها عشان اعفها فقاله (مسئوله)والله ان عندنا اخت من الصومال وعايزين نعفها برضه طبعا الاخ تنح
هما ماشاء الله حاجة كده من علي وش القفص بس المصري مصري
برزالته وخفة دمه وسلبيته ونكته وحياته اللي فعلا غريبة وبيبرر لنفسه فيها اي حاجة سواء كانت صح ام خطا
حاجة تانية
بعض الوقت بنعتقد ان اخوانا بيفرطوا في حاجات عشان مكاسب سياسية بس ده خطا
السياسة ليست الا شد وجذب
وخير مثال صلح الحديبية صح ام خطا
والسلام
كالعاده الاخ يعقوبي بتضحكني حتي وانت بتعلق عندي
حلو اوي موضوع الاخت الشيشانيه والصوماليه ده
بس برضه المصريات بنات دمها خفيف وقلبها طيب ثم ان الجمال مش كل حاجه
شكرا علي المرور
مبسوطة قوى يا اميرة انى دخلت وقريت فى مدونتك
بجد والله اجباتك خفيفة وتدل على شخصية حلوة ومنطقية
رغم انك قلتى انك رومانسية قوى وخيالية خالص
بس بصراحة انا مش مصدقة
انتى كمان قلتى انك اخت من اسكندرية فى كلية طب
وتبعا للمعلومات دى المفروض اكون عارفاكى
ان شاء الله نتواصل فى الفترة اللى جاية
احبك فى الله يا اميرة محمد محمد محمد
صحيح ايه حكاية المحمدات الكتير دى
Post a Comment