Thursday, August 30, 2007

انا ليه؟


انا ليه غيرت اسم المدونه؟
يمكن علشان الاسم ده اقرب لقلبي.لما جيت اعمل المدونه قلت لاخويا انى عايزه اسم مبتكر وجديد فقالي علي الاسم القديم اللي هو لو يقطر غير دماء زرقاء وكان ده اسم قصيده ليه علي الشعب المصري باذن الله هنشرها بعد كده
ولكن
حسيت اني بتفزلك ثم ان الاسم غير قريب من قلبى.
وكان الاسم الجديد قريب منى اكتر لاني اصلا كنت بحب الفيلم اللي بيحمل الاسم ده جدا.
ثم ان انا بحب الخريف جدا وبحس انه فصل حزين وشفاف علي راي احمد خالد توفيق وده قريب مني قوي.
انا بعتقد ان المفروض ان لما انسان يختار حاجه يتبع قلبه فيها وده اللي انا عملته.
انا حطيت صورة اسامه بن لادن وقد يختلف كثيرون معي في هذا وانا هكتب علي الموضوع ده بس مش دلوقتى


بس
انا مشيت ورا احساسي وعملت حاجه انا بحبها يعنى سمعت صوت قلبي وانا بحب الشيخ اسامه جدا لذلك لن اتنازل عن نشر صورته.

قد يكره البعض الشيخ اسامه وقد يحبه البعض ولكن بالتاكيد لايمكن لاحد ان يتجاهله

لانه اسطوره

فانا بعتبره اسطوره من اساطير خريفي

Friday, August 24, 2007

المعذبون في الارض






طبعا قريتوا الخبر الجميل بتاع تعذيب الشابان المصريان في الكويت برمى مياة نار علي جسمهم










ياتري كان ايه احساسكم وانتم شايفين صورهم




ايه رايكم؟عارفين انا بقيت بحس ان المصريين دول متاحين للاهانه في كل مكان








بيان هام: الى اعزائنا العملاء








اللي متضايق وعايز يطلع قرفه في حد, مفيش مشاكل يقولنا واحنا هنريحه علي الاخر وهنبعتله اتنين مصريين بفش غله علي راحته




,




اللي متخانق مع مراته والعيال مطلعين عينه برضه مفيش مشاكل هنشوفله برضه اتنين تلاته مصريين ويعيش حياته ومحدش هيقوله حاجه।








اللى كاره نفسه وشكله مريض نفسي عنده ساديه وده مرض بعيد عنكم بيخلي الانسان ده يحب تعذيب الناس,برضه مايزعلش نفسه طلبه عندنا اتنين مصريين في الزنزانه وصلحه।।












عزيزي العميل متقلقش طلبك هيوصلك لحد عندك وعشان تعرف مدى جديتنا روح اقسام الشرطه في مصر نفسها عشان تشوف اد ايه الطلبات بتوصل بمنتهى السرعه وعندك مثلا عماد الكبير او لو اتهورت شويه والزبون مات, عندك اللى ماتوا الاسبوع اللى فات ,واحد منهم اترمي من البلكونه وعادي جدا ولا حد هيقدر يعمل حاجه












ولازم نطمن اعزائنا العملاء بان الخدمه لغير المصريين متوفره هنا او في بلادكم العربيه او اوروبا نفسها واسال




هند الفاسي الامير تركى ا قسام الشرطه الكويتيه الحكومه الايطليه(قضية ابو عمر الامام المصري) الحكومه الكويتيه نفسها لو حبيت تهين اي دبلومسيين وولا يهمك لاحصانه ولا كرامة البلد وعادي عيش حياتك












عزيزنا العميل احنا اهم حاجه عندنا راحتك ومتخافش لا من مسئوليه قضائيه ولا من ازمه دبلوماسية متقلقش شوية شجب علي ادانه علي احتجاجات فارغه وكله هيتنسي وكله هيبقي في السليم












علي فكره احنا برضه عندنا بنات لوعايز تتجوز يومين وتمتع نفسك ومفيش واحده توجع دماغك مش هتلاقي حد يسالك بتعمل ايه او يحاسبك علي حاجه




اصلهم كتير قوي شباب وبنات بالهبل وبصراحه عايزين نخلص و احلي حاجه فيهم انهم مبيفتحوش بقهم ولا يعترضوا علي اي حاجه ومستسلمين لاي حاجه بتحصلهم فيستاهلوا! هما اللي جايبينوا لنفسهم ولا ايه رايك ؟








صدقنى مش هتلاقى الخدمه دى في اي دوله تانيه








ومش هتقدر تغمض عينيك








امضاء الحكومه المصريه








ملحوظه اللى يهون علي اهله يعذبوه ويرموه من البلكونات يبقي حق علي الغريب انه يرش مياة نار




واللهى هانت عليه نفسه وماثارش علي اللي بيحصله يبقي حق علي القريب والغريب يعيشوه في نار




Monday, August 20, 2007

اسماء و د عصام


يمكن غريب انى اختار الاسم ده للبوست لبنت ورجل ميعرفونيش خالص بس الى حدما انا عارفاهم و اظن واضح مين اللى انا اقصدهم


دعصام العريان وبنته اسماء صاحبة مدونة هعيش واتحدى احزانى


اسماء متعرفنيش خالص لانى لسة عاملة المدونة وحتى ماراسلتهش لكن كنت متابعة المدونة بتاعتها


بيعجبني اسلوبها وكتابتها عن حياتها العائلية لان ده بيدى احساس بالقرب على الرغم من انى عمرى ما شفتها ولا كلمتها قبل كدة,


لما د عصام اعتقل للمرة الرابعه مكنتش اعرف المدونة بتاعتها وكنت قرات عنوان سخيف في صحيفة للاسف مش فاكرة اسمها ان الاخوان باعوا د عصام للحكومة عشان اعتقل لمدة طويلة واتنرفزت من الكلام الفارغ ده جدا


ولما عرفتها كان د عصام خرج من المعتقل وكانت فرحانة جدا وانا كنت فرحانة لانة اخيرا رجع لاهله بعد ماكن في حوزة غيلان الحكومة,الاسبوع اللى فات كنت مسافرة وماكنتش متابعة المدونات لأفاجأ لما ارجع ان الكلاب اخدوه تانى , انا كنت في حالة سيئة جدا وصممت انى ابدأ المدونة عشان اقدر اكلم اسماء هي وكل اللى في ظروفها عشان اقولهم ان احنا مش سايبينكم وجايز مكاني بعيد عنكم لكن كلنا معاكم , بجد انتى يااسماء وكل اللى زيك اقوى منهم واصلب منهم لان اللي انتوا فيه مايستحملهوش الا ابطال وانتم فعلا كده


انا مش هواسيكم واقول معلهش وصعبانين عليا قوي وكلام الشفقة ده لان انتم اعلي من الشفقة , اعلى من الحياة نفسها واعلي من الموت نفسه لان انتم قدمتوا ارواحكم عشان قضية امنتم بيها والموت مابقاش يقدر يخوفكم.انا مبهوره بيكم ونفسي ابقي زيكم بس عارفه ان اللى انتم فيه ده صعب ومش هيستحمله الا اللى عنده ارادتكم وتصميمكم علي الحق.
واخيراوليس اخرا انا واثقه يا اسماء انك باذن الله هتقدري تعيشي وتتحدى احزانك,








عنى اتحدث


بصراحةمشكلة كبيرة جدا عندي انى اتكلم عن نفسى فهكتفي بانى اقول انى داخلة السنة الثالثة في كلية الطب البشري وكان المفروض ابقى في سنة رابعة بس دبلرت اول سنة
لسة منضمة للاخوان الصيف ده واللي اخرنى مش انى مش مقتنعة ولكن ماكنتش ناضجة كفاية لتحمل المسئولية ولسة معرفش اي حاجة عن نظامهم من الداخل
اللي خلانى اتجه للتدوين انى لقيت حاجات كتير بتستفزنى وعايزة اتكلم عليها كمان انا بعتبر التدوين ده نوع من انواع الجهاد وهو جهاد الراي
كنت محتارة جدا في اسم المدونة واللى اختار الاسم اخويا الصغير وده اسم قصيدة هو كتبها علي الاوضاع الظريفة اللي في البلد وهويقصد بالعنوان ده الشعب بتاعنا اللي دمه اتجمد ولما بينزف بيبقي دم ازرق مش حاسس بيه بينزف لان لو في شعب تانى حصل فيه اللى بيحصل في شعبنا كان عمل مليون ثورة
لكن في امل في ناس لسه متجمدوش موجودين في المعتقلات لانهم قالوا لا وفي ناس برة عارفين ان طغاة العصر مش هيسيبوهم ومع كدة مش هيبطلوا